24 February 2018

News Flash

यशाचे द्वैत

या अपेक्षित यशासाठी भाजपच्या सर्वोच्च नेत्यांना अनपेक्षित संघर्ष करावा लागला.

लोकसत्ता टीम | Updated: December 19, 2017 1:50 AM

Rahul Gandhi : पंतप्रधान नरेंद्र मोदींवर 'रियर व्ह्यू मिरर' संबंधी वक्तव्य केल्यानंतर काँग्रेस अध्यक्ष राहुल गांधी आता त्यांची क्रिकेटपटूशी तुलना केली आहे.

भाजपच्या विरोधात जनतेत असंतोष असला तरी त्या शिडात वारा भरण्याची क्षमता काँग्रेस दाखवू शकलेली नाही..

सलग सहा खेपेस राज्य विधानसभा निवडणुका जिंकणे हा एका अर्थाने विक्रमच. सत्ताधारी भाजपने तो गुजरात राज्यात नोंदवला. त्याची बरोबरी साम्यवाद्यांनी सलग ३५ वर्षे पश्चिम बंगालात केलेल्या राज्याशीच होऊ शकते. या असाध्य वाटणाऱ्या साध्यास कवेत घेतल्याबद्दल भाजपचे – आणि त्यातही पंतप्रधान नरेंद्र मोदी आणि पक्षाध्यक्ष अमित शहा या दुकलीचे-  निश्चितच मन:पूर्वक अभिनंदन. त्याच वेळी या पक्षाने हिमाचल प्रदेशातही काँग्रेसला धूळ चारली. त्या राज्यात काँग्रेसची सत्ता होती. म्हणजे विरोधी पक्षाकडून सत्ता हिसकावून घेण्यातही भाजप यशस्वी ठरला आणि त्याच वेळी आपली सत्ता सलग सहाव्या खेपेत राखण्यातही त्यास यश आले. पक्षाला जनमानसात किती खोलवर रुजवण्यात भाजपचे नेते यशस्वी झाले आहेत हे यावरून दिसून येते. यामागे अर्थातच राष्ट्रीय स्वयंसेवक संघाचा महत्त्वाचा वाटा आहे. संघाने गुजरातच्या डांग आदी भागांत स्वत:स रोवून काम केले नसते तर आज भाजपचा हा असा विजय होता ना.  रा. स्व. संघाने लावलेला भाजपचा वृक्ष अजूनही तितकाच सक्षम टिकून आहे हे यातून दिसून येते. सत्ताधारी भाजप आणि विरोधी काँग्रेस या दोघांत कोणता फरक असलाच तर तो हा आहे. भाजपच्या तळाशी तगडी कार्यकर्त्यांची फौज आहे आणि त्या तुलनेत काँग्रेसला तळच नाही. सगळेच नेते. अशा वेळी विरोधी पक्ष हतबल असताना या दोन्हीही राज्यांत भाजप यशस्वी होणार यात कोणाच्याही मनात संदेह नव्हता. तेव्हा भाजपचे यश तसे अपेक्षितच ठरते.

परंतु या अपेक्षित यशासाठी भाजपच्या सर्वोच्च नेत्यांना अनपेक्षित संघर्ष करावा लागला. या निवडणुका जाहीर होईपर्यंत भाजपला स्पर्धा नव्हती. निवडणुका जाहीर झाल्या, प्रचार तापू लागला तसतशी भाजपला आपल्या समोरील आव्हानांची जाणीव होऊ लागली. ती इतकी तीव्र होती की एका क्षणी अखेर पंतप्रधान नरेंद्र मोदी यांनी जातीने या निवडणुकीतील प्रचाराची सूत्रे हाती घेतली. ते आणि पक्षाध्यक्ष गुजरातचे. परंतु पक्षाध्यक्ष अमित शहा यांचे नाणेही या निवडणुकीत अपेक्षेप्रमाणे चालत नसल्याचे जाणवल्यावर  पंतप्रधान नरेंद्र मोदी यांनी जवळपास ४३ सभा/ संमेलने घेतली. हाही एक विक्रमच ठरावा. उत्तर प्रदेश वा बिहारातील निवडणुकांतही मोदी यांनी इतका रस घेतला नव्हता. उत्तर प्रदेशातील निवडणुकांत मोदी यांनी २६/२७ सभा/संमेलने घेतली. या निवडणुकीत त्यांना असा हात आखडता घेऊन चालले नसते. कारण जनमत वाटत होते तितके भाजपच्या मागे नव्हते. निवडणुकीच्या दुसऱ्या टप्प्यात तर परिस्थिती इतकी बिघडली की मोदी यांना आपल्या मातृराज्यात तळ ठोकूनच बसावे लागले. मोदी यांनी प्रयत्नांची पराकाष्ठा केली नसती तर भाजपला इतके भरघेस यश मिळते ना. तेव्हा मोदी हेच या यशाचे निर्विवाद  शिल्पकार ठरतात.  केंद्रात  सत्ता, कार्यकत्रे, नेते यांची फौजच्या फौज, सहानुभूतीदार निवडणूक आयोग, अवाढव्य प्रचार यंत्रणा आणि अमाप साधनसंपत्ती असूनही भाजपला आपले ईप्सित गाठण्यासाठी नेटाने प्रयत्न करावे लागले. काही काळ  त्या पक्षाच्या पायाखालची वाळू सरकू लागल्याचे दिसले.

या निवडणुकीत भाजपने १५० वा अधिक जागांचे लक्ष्य ठेवले होते. पक्षाध्यक्ष अमित शहा ते गल्लीतील फुटकळ कार्यकर्ता हे सर्व जण छातीठोकपणे त्या लक्ष्यपूर्तीची ग्वाही देत होते. २०१४ सालच्या सार्वत्रिक निवडणुकीत भाजपने या राज्यातील सर्वच्या सर्व म्हणजे २६ जागा पदरात टाकल्या. त्या वेळी त्या पक्षास ६० टक्के इतकी मते मिळाली. त्या वेळी काँग्रेसच्या वाटय़ास ३३ टक्के इतकी मते आणि शून्य खासदार आले. याचा अर्थ या दोन प्रमुख दावेदारांतील मतांच्या टक्केवारीतील फरक २७ टक्के इतका प्रचंड होता. त्या न्यायाने भाजपला १८२ सदस्यांच्या विधानसभेत किमान १६५ जागा मिळावयास हव्यात. परंतु हा पक्ष शंभरच्या टप्प्याआतच अडखळला अशी परिस्थिती. याचाच दुसरा अर्थ असा की डोक्यावरचा हा २७ टक्के मताधिक्याचा डोंगर पार करून काँग्रेसने या निवडणुकीत भाजपच्या मताधिक्याचा वाटा खेचून नेला. तरीही या दोन पक्षांत साधारण आठ टक्के मतांचा फरक उरला, यास प्रचंड अर्थ आहे. म्हणजे भाजपच्या विरोधात जनतेत असंतोष असला तरी त्या असंतोषाच्या शिडात वारा भरण्याची क्षमता काँग्रेस दाखवू शकली नाही. याचा अर्थ राहुल गांधी यांच्या नेतृत्वाने आश्वासक वातावरण निर्माण केले असले तरी अजूनही या पक्षास मोठी मजल मारावयाची आहे. परंतु ती मारण्यासाठी काँग्रेस या निवडणुकीच्या निमित्ताने पोषक वातावरण निर्माण करू शकला हे या निवडणुकीचे सर्वात मोठे यश. तेच भाजपसाठी धोक्याची घंटा ठरताना दिसते.

ज्या गुजरातेत नरेंद्र मोदी यांना आव्हान उभे राहू शकतच नव्हते, ज्या गुजरातेत मोदी यांच्या विरोधात ब्र काढण्याची कोणाची शामत नव्हती आणि ज्या गुजरातेत मोदी यांच्या विरोधात कोणी नेताच नव्हता त्याच गुजरातने मोदी आणि भाजप यांच्यावरचे अजेयतेचे कवच काढून टाकले असे म्हणावे लागेल. या आव्हानामुळे असेल किंवा काय उभय पक्षांकडून प्रचाराची पातळी घसरली.  भाजपने अल्लाउद्दीन खिलजी, औरंगजेब ते पाकिस्तान अशा सूचक प्रतीकांचा आश्रय घतला तर काँग्रेसचे वाचाळवीर मणिशंकर अय्यर यांनी आपल्या जिभेने मोदी यांच्या हाती कोलीत दिले. ते दिले नसते तर कदाचित भाजपच्या आणखी काही जागा कमी झाल्या असत्या. याचे कारण मोदी यांना यानिमित्ताने आपल्या हातातील हुकमी एक्का काढण्याची संधी मिळाली.

तो म्हणजे गुजरातची अस्मिता. काँग्रेस बघा कसा गुजरातचा अपमान करीत आहे, असे म्हणून मतदारांच्या हृदयाला हात घालण्याचा प्रयत्न मोदी यांनी करून पाहिला. त्यात फारसे काही यश आले नाही. अखेर ‘हुं गुजरात छुं’ असे मोदी म्हणाले.  याचा अर्थ मी म्हणजे गुजरात. इतके करूनही मोदी यांच्या पदरात मतदारांनी आपले माप भरभरून टाकले असे झाले नाही. हे पुरेसे बोलके ठरते. याचा स्पष्ट अर्थ असा की मतदार आता भाजप जे काही सांगतो ते ऐकून घेतीलच असे नाही. गुजरात हे मोदी यांचे राज्य. त्याचा काही एक फायदा निश्चितच त्यांना मिळाला यात शंका नाही. तो अन्य राज्यांत मिळण्याची शक्यता नाही. या निवडणुकीत भाजपचा पारंपरिक महिला मतदारसंघ मोठय़ा प्रमाणावर मतदानापासून लांब राहिला. तसेच भाजपपासून दूर गेलेल्या तरुणांची संख्याही लक्षणीय म्हणावी लागेल अशीच आहे. २०१९ साली सत्ता राखण्याचे स्वप्न भाजप पाहात असेल तर यात बदल करण्यासाठी भाजपला मोठी पावले उचलावी लागतील. आहे तो मतदार तर राखावा लागेलच. पण त्याच वेळी अन्यत्र असलेला मतदारही ओढून आणावा लागेल. हे आव्हान मोठे आहे. गुजरात असो वा हिमाचल प्रदेश. दोन्ही ठिकाणच्या निकालांत एक निर्णायक स्पष्टता दिसते. ती म्हणजे मतदार कोणत्याही एका पक्षाच्या वा नेत्याच्या दबदब्याखाली राहण्यास तयार नाही. गुजरातेत भाजपला सत्तेची संधी मतदारांनी दिली खरी. पण ही सत्ता जेथे गडगंज मताधिक्याची फुले वेचली तेथे कशाबशा बहुमताच्या गोवऱ्या वेचण्याची वेळ भाजपवर आली. अर्थात तरीही विजय तो विजयच असतो. हिमाचल प्रदेशचेही तेच. तेथे तर भाजपला दोनतृतीयांश मताधिक्य मतदारांनी दिले. परंतु त्या पक्षाचा तेथील मुख्यमंत्रिपदाचा उमेदवारच घरी बसला.

या दोन्ही राज्यांतील निवडणुकांत लक्षात घ्यावी अशी बाब म्हणजे सत्ताधारी आणि विरोधक या दोन्ही बाजूंनी खेळून दाखवण्याचे भाजपचे.. आणि त्यातही मोदी यांचे.. कौशल्य. सत्ताधारी असतानाही बळी ठरत असल्याचे राजकारण मोदी यांनी केले. वास्तविक गेली २० वर्षे भाजपने गुजरातेत आपण बळी ठरत असल्याचे राजकारण केले. काँग्रेसप्रणीत केंद्र सरकार आपल्यावर अन्याय करीत असल्याची आवई त्याने सातत्याने उठवली. परंतु केंद्रात सत्ता आल्यावरही भाजप तसेच करताना दिसला. आत्ताच्या या निवडणुकीत भाजपच्या यशाचे हे द्वैत दिसून आले. आगामी निवडणुाकांत हीच क्लृप्ती किती चालते यावर भाजपचे पुढचे यश अवलंबून असेल. तूर्त या दुहेरी भूमिकेसाठी भाजपचे अभिनंदन.

First Published on December 19, 2017 1:50 am

Web Title: gujarat election result 2017 bjp congress narendra modi rahul gandhi
  1. R
    Rahul
    Dec 21, 2017 at 6:49 am
    आता तरी मोदी नि रिझल्ट दाखवावे. नुसत्या गप्पा नकोत नाही तर लोकसभेचे. मैदान फार दूर नाही. विजय काठावर आणि नशिबाने मिळाला हे मात्र खरेच. सुरत मध्ये पाटीदार रंग दाखवते तर?
    Reply
    1. S
      sanjay
      Dec 21, 2017 at 5:25 am
      काँग्रेसस ने पडद्यामागे किती घाणेरडे डावपेच केले,मोदीजींना हरवण्यासाठी किती खालच्या पातळीवर गेले -आणि हे काम त्यांनी गेल्या डिड ते दोन वर्षांपासून सुरूकेले होते तरीही मोदीजींनी निवडणूक जिंकली त्याचे काँग्रेस आणि त्याच्या सर्व इमानदार कुत्र्यांना खूपच त्रास होतो आहे- अहमद पातळ्यांनी ह्या सर्वखेली केल्या होत्या परंतु त्यांना यश मिळाले नाही -हीच खंत ह्या संपादकांना सुद्धा आहे .गुजरात मध्ये खरोखर पूर्वी काँग्रेस च्या काळात खूपच जातीवादी भांडणे होती, नेहेमीच हिंदू-मुस्लिम डांगे होत होते आणि ते सर्वकाँग्रेसस करवूं न सत्तेत टिकून होते-मी प्रत्यक्ष त्याचे साक्षी आहे-ते सर्व मोदीजी मुख्यमंत्री झाल्यावर २००२ नंतर खरोखर बंद झाले होते-प्रत्येक लहान मोठा काम करणारा ,धंदा करणारा - तो कुठल्याही जातीचा असो- सुखात कामे करत होते-वर्षाचे ३६५ दिवस सुरळीत सुरु होते -ते ह्या नतद्रष्ट काँग्रेस वाल्यांना पाहवत नव्हते - खरोखर बरेच झाले भाजप जिंकला
      Reply
      1. P
        paresh
        Dec 19, 2017 at 9:59 pm
        पहिले येणे म्हणजे जिंकणे नव्हे. भाजपने हा त्यांना मिळालेला धोक्याचा कंदील ओळखून जमिनीवर आले पाहिजे. २००३ ला असा मेसेज ना आल्याने काय झाले ते माहित आहे. इंडिया शायनिंगचे झाले ते अच्छे दिनाचे २०१९ ला होईल
        Reply
        1. Shrikant Yashavant Mahajan
          Dec 19, 2017 at 8:58 pm
          मोदींच्या धोरणांचा व त्यांच्या विरोधात केला जाणारा अपप्रचार यांची निकराची लढाई गुजरात निवडणूकाच्या निमित्ताने घडली, सुदैवाने मोदींचा विजय झाला.
          Reply
          1. D
            Dada
            Dec 19, 2017 at 8:30 pm
            महाराष्टरात मराठ्यांना Jase आरक्षणाचे गाजर दाखवले ,तसे गुजरात मध्ये पटेलांना. काँग्रेस एक राष्ट्रीय पार्टी आहे , याचे भान असावे. जिंकण्यासाठी कोणत्याहि ठरला जाऊ नये.
            Reply
            1. Suresh Raj
              Dec 19, 2017 at 8:00 pm
              भारताचे राजकारण कुठल्या दिशेने चालले आहे हे कळायला मार्ग नाही. राहुल सभेत ाट्या पासून सोने बनवण्याच्या कल्पना मांडत असता मीडिया खुश दिसते जसे हा काय अब्राहाम लिंकन च आहे, गुजराथ मध्ये जी शांतता लाभली आहे ते मोदी मुळेच, नाहीतरी गोध्रा कांड चे नरभक्षक मुसलमान कारवायांना ऊत आला असता, त्यात अहमद पटेल ने हेरून ठेवलेले मोहरे काळास घाट ठरले, त्यात रूपांनी आणि उप मुख्यमंत्र्ती फारशे वक्ते नव्हते, त्यात राहुल ने जमिनी वाटण्या वरून टाटाना लक्ष्य केले, चुकीची आकडे देऊन वरती माफी देखील मागितली, त्यात हार्दिक,अल्पेश, जिग्नेश ह्यांना हाथाशी धरून मोट जमवली, त्यात पाहू मुस्लिम्स संगठन त्यांच्या पाठीशी होते, त्यात महत्वाचं मोदी ना कुठल्याही परिस्थितीत बिमोड करावयाच्या साठी देशभराचे विपक्षी डोळे लावून बसले होते, त्यात शत्रुघ्न सिन्हा, यशवंत सिन्हा, नाना पाटोळे आणि अरुण शौरी ची भर पडली. त्यातून हि जिंकून येणे हे महत्वाचे.
              Reply
              1. S
                Shreekant Shreekant
                Dec 19, 2017 at 6:22 pm
                याला म्हणायचं, पडलो तरी नाक वर.
                Reply
                1. प्रसाद
                  Dec 19, 2017 at 5:47 pm
                  गिरीश कुबेरांनी टीव्हीवरील चर्चेत केलेले विधान खरे आहे – ‘भारतीय मतदार सरकार पाडायला मत देतो, नवीन सरकार निवडायला नव्हे’. नवीन सरकार ते मत जनतेने आपल्यालाच दिले आहे असे समजते. कॉंग्रेसने याचा चतुराईने वापर करून राहुलजींना पुढे आणले! सलग पाच खेपेला भाजप गुजरातमध्ये निवडून आलेला होता, केंद्रातही तीन वर्षे सत्तेत असल्यामुळे नवलाई थोडी ओसरलेली असणारच. त्यात सामान्य माण व व्यापाऱ्यांना त्रास होऊ शकेल असे नोटाबंदी आणि जीएसटी सारखे महत्वाचे निर्णय! वर सामान्य लोकांच्या मुदत ठेवी गिळून ढासळत्या बँका सावरायचे घाटते आहे अशी जोरदार हाकाटी! इतकी सारी भट्टी ज ्यावर जागा थोड्याफार घटणारच हे उघड होते. ते जणू राहुलाजींच्याच करिष्म्याने घडले असे भासवायची संधी कॉंग्रेसच्या चाणक्यांनी नेमकी साधली. ती तशी साधली नसती तर हिमाचलही हातातून गमावला इतकेच सत्य उरले असते. (प्रतिक्रिया देण्याचा दुसरा प्रयत्न - ५:४५)
                  Reply
                  1. सौरभ तायडे
                    Dec 19, 2017 at 4:36 pm
                    लेखात भाजपचे अभिनंदन केले ! ाजिकच त्यांचा दोन्ही राज्यातील इज पाहता ते योग्यच पण ा आज इथे मुद्धा उपस्थित करायचा तो वेगळाच आहे म्हणजे, भाजपची केंद्रात सत्ता हि " विकास " या एकाच मुद्दावर आली असे निदान भाजपचे तरी मत मग त्यांची केंद्रात सत्ता येऊन ३ वर्षे पूर्ण होऊन लोटली आणि गुरतेत तर विक्रम मग तरीही जर स्वतः देशाच्या प्रधानमंत्र्याला ४३ सभा / संमेलने घ्यावी लागतात आणि आपण किती "विकास-वादी "आहोत हे दाखवून किंवा पटवून द्यावे लागते आहे इथेच भाजपचे २०१९ चे पट्टे उघडे पडले असे ा वाटते.
                    Reply
                    1. S
                      sanjay telang
                      Dec 19, 2017 at 4:10 pm
                      खोटे आरोप , विरोधाला विरोध आणि सगळी मीडिया साथीला असूनही 'हाती' आले धुपाटणे. गुजरातची जनता इतर राज्यांप्रमाणे शहाणी निघाली. जात. पाट, धर्म, पाकिस्तान सगळ्यांना पुरून उरणार माणूस काँग्रेसला प्रथमच भेटला असावा. लुटण्याचे मनसुबे धुळीला मिळाले.
                      Reply
                      1. U
                        Uday
                        Dec 19, 2017 at 1:04 pm
                        आश्चर्य आहे.आरक्षणाच्या मुद्यावर लाडावलेली निवडणूक या बद्दल अवाक्षर नाही. दुःखद आहे रा गा ना टेम्पल रन खेळात विजय मिळवता आला नाही.
                        Reply
                        1. J
                          jit
                          Dec 19, 2017 at 12:26 pm
                          काँग्रेस डिश कशी बनवायची याची कृती - हिंदू मतांना फोडून त्याच्या OBC , दलित असे भाग करा, उरलेल्या भागावर आरक्षणाची कोथांबीर टाका (त्यांना अल्पेश, जिग्नेश, व पाटीदार असे नाव द्या). हे सर्व भाग झाल्यावर, सर्व एक गठ्ठा मुस्लिम व इतर समाजांचे पाय धारा. त्यांना लोली-पॉप द्या. आणि काही पारंपरिक दिग्गज घराणी हाताशी ठेवा..
                          Reply
                          1. S
                            samir
                            Dec 19, 2017 at 11:15 am
                            हिजडे आहेत जे सत्य दाखवू शकत नाहीत.
                            Reply
                            1. D
                              Dattahari Ramrao
                              Dec 19, 2017 at 11:06 am
                              अप्रतिम लेख,पण मी गुजरातच्या मतदारांचे अभिनंदन करतो.कारण आपल्या जनाधारातून जणू संदेश दिला आहे.राहूल गांधीना अजून मेहनत करावी लागेल तर मोदींना ४३सभा घेऊन देखील निसटता विजय मिळवून देताना हा संदेश आहे की, नुसते बोलण्यापेक्षा प्रत्यक्ष कृती वर भर देण्याचा संदेश दिला आहे.'मोदी जितकर हारे और राहूल गांधी हार कर जीते है.' पण विजय विजय असतो.जनतेला विकास हवा आहे.एकाधिकारशाहीला ताळ्यावर आणणारा हा निकाल आहे.ज्यातून लोकशाहीची परिपक्वता दिसून येते.
                              Reply
                              1. R
                                Rajeev
                                Dec 19, 2017 at 11:05 am
                                2012 भाजप 115 जागा 47.85 मते, काँग्रेस 61 जागा 38.93 मते 2017 भाजप 099 जागा 49.10 मते, काँग्रेस 77 जागा 41.40 मते भाजपची ~1 मते वाढली, काँग्रेसची ~2.5 मते, 16 जागा इकडून तिकडे गेल्या हे वगळता 2017मध्ये वॉटर शेड बदल नाही असे दिसते 150 जागांचे लक्ष्य करताना 2014मधील निवडणूकीत 165 विधानसभा मतदार संघात आघाडी घेणार्‍या भाजपला 150 जागा मिळण्याची अपेक्षा हा 'चुनावी जु ा' किंवा वल्गना नसून विधानसभा मतदार संघातील ही आघाडी गृहीत धरल्यामुळे असे मोदी-शहांना, नेत्यांना, कार्यकर्त्यांना मनोमन वाटले असेल 2017च्या निकालांच्या जल्लोषात 2019च्या निवडणूकीवर डोळा ठेवत 'विकासाचे नारे' लावण्यात येत आहेत हे बघता 165 विधानसभा मतदारसंघातील आघाडीवरुन 99 जागीच आघाडी टिकली ही लोकसभा निकालांशी 2017च्या निकालांची तुलना यश-अपयशाच्या मूल्यमापनासाठी महत्त्वाची आहे गुजरातमध्ये यशामुळे मिळालेली पंतप्रधानपदी नियुक्ति ही मोठी जबाबदारी पार पाडताना नेतृत्व कितपत यशस्वी झाले? (कुवतीपलीकडील) 'उच्च पदी थोरही बिघडतो' तत्त्व, कर्तृत्त्व टिकविण्याबाबत 'पीटर प्रिन्सिपल' तत्त्व, कितपत लागू पडतात? हे 2019 निकाल बघून समजेल
                                Reply
                                1. S
                                  samir
                                  Dec 19, 2017 at 10:56 am
                                  जातीयवादी कोण आहेत ते स्वच्च आणि स्पष्टपणे पुन्हा दिसून आले. इंदिरा गांधींनी मतांसाठी खलिस्तान पूरक प्रतिनिधींना पुढे केले आणि त्याचे परिणाम त्या भोगल्या. राजीव गांधींच्या मुस्लिम पूरक धोरण शाहबानो मध्ये दिसून आले आणि तात्पर्य मुंबई दंगल आणि बॉम्बस्फोट घडले. आता राहुल गांधींनी पाटीदार सामाजाला आणि ओ. बी. सी. ना आरक्षणाचा पाठिंबा देऊन जे नवीन पातक केले आहे त्याचे परिणाम जर रक्तरंजित झाले तर त्याला काँग्रेस आणि त्याचा पुरस्कार करणारे लोकसत्तासारखे मीडिया पूर्णतः जबाबदार असतील हे त्रिवार सत्य आहे. पण देशाची सामान्य जनता याचा त्रास भोगणार आहे.
                                  Reply
                                  1. S
                                    shreejeet doke
                                    Dec 19, 2017 at 10:33 am
                                    पण आणि परंतु हे संपादकीय(१९ डिसें.) वाचले. यात लेखकाने नाण्याच्या दोन्ही बाजूंचे व्यवस्थित वर्णन केले आहे.१५० ची स्वप्न पाहताना भाजप "nervous ninety"चा शिकार झाला.जनतेने दाखवून दिले कि मतदारांना गृहित धरणे कदापि न केले जाणार नाही. मोदी गुजरात निकलानंतर म्हणाले विकासचा विजय झाला पण प्रचार तर भावनिक अस्मितेवर केला गेला. गुजरातमध्ये सत्ता राखताना भाजपची चांगलीच दमछाक झाली,विजय जरी त्यांचा झाला असला तरी उदय मात्र राहुल गांधी यांच्या नेतृत्त्वाचा झाला आहे.गेल्या २२ वर्षांतील जरी ही कोंग्रेसची सर्वोत्तम कामगिरी असली तरी गुजरातमधील २ मतदारांनी नोटा या पर्यायाचा वापर केला यावरून एक बाब स्पष्ट होते कि बरीच जनता कोंग्रेसलासुध्दा कंटाळली आहे, येणाऱ्या काळात कोंग्रेसला विरोधी पक्ष म्हणून वाजवी भूमिका बजावावी लागेल हे नक्की! सध्या अर्ध्याहून जास्त भारतावर भाजपची सत्ता असली तरी आगामी काळात होणाऱ्या निवडणूका भाजपला जड जातील हे गुजरात राज्याने 'गुजरात का बेटा' म्हणणाऱ्या मोदींना दाखवून दिले डोके श्रीजी,नांदेड
                                    Reply
                                    1. S
                                      shreejeet doke
                                      Dec 19, 2017 at 10:31 am
                                      पण आणि परंतु हे संपादकीय(१९ डिसें.) वाचले. यात लेखकाने नाण्याच्या दोन्ही बाजूंचे व्यवस्थित वर्णन केले आहे.१५० ची स्वप्न पाहताना भाजप "nervous ninety"चा शिकार झाला.जनतेने दाखवून दिले कि मतदारांना गृहित धरणे कदापि न केले जाणार नाही. मोदी गुजरात निकलानंतर म्हणाले विकासचा विजय झाला पण प्रचार तर भावनिक अस्मितेवर केला गेला. गुजरातमध्ये सत्ता राखताना भाजपची चांगलीच दमछाक झाली,विजय जरी त्यांचा झाला असला तरी उदय मात्र राहुल गांधी यांच्या नेतृत्त्वाचा झाला आहे.गेल्या २२ वर्षांतील जरी ही कोंग्रेसची सर्वोत्तम कामगिरी असली तरी गुजरातमधील २ मतदारांनी नोटा या पर्यायाचा वापर केला यावरून एक बाब स्पष्ट होते कि बरीच जनता कोंग्रेसलासुध्दा कंटाळली आहे, येणाऱ्या काळात कोंग्रेसला विरोधी पक्ष म्हणून वाजवी भूमिका बजावावी लागेल हे नक्की! सध्या अर्ध्याहून जास्त भारतावर भाजपची सत्ता असली तरी आगामी काळात होणाऱ्या निवडणूका भाजपला जड जातील हे गुजरात राज्याने 'गुजरात का बेटा' म्हणणाऱ्या मोदींना दाखवून दिले. -डोके श्रीजी,नांदेड
                                      Reply
                                      1. Shriram Bapat
                                        Dec 19, 2017 at 10:09 am
                                        अग्रलेखाच्या सुरुवातीलाच भाजपचे अभिनंदन केल्याबद्धल धन्यवाद. पण ते अभिनंदन करताना हे तर होणारच होते पण त्यासाठी एवढे कष्ट घ्यावे लागले हे सांगण्यासाठी ते पोकळ अभिनंदन आहे हे उघड झाले. एकजात सर्व मराठी माध्यमे आणि तीनही विरोधी पक्ष याना काहीतरी अघटित घडावे आणि भाजपचा पराभव व्हावा अशी तीव्र इच्छा होती. त्यासाठी देव पाण्यात बुडवून ठेवले होते. स्वतःच्या सर्व जागांवरील अनामत रकमेचे दान करून शिवसेनेने तर विशेष प्रयत्न केले होते. सतत विजयी होत असताना प्रत्येक विजय भरपूर धावानी होतोच असे नाही. एखाद्या सामन्यात कमी धावानी जय मिळतो पण जे पात्रता फेरीपर्यंत सुद्धा पोचू शकत नाहीत त्यांना असुयेमुळे हारणाऱ्या संघाच्या बाजूने टाळ्या वाजवायला आवडते. मोदींना भ्रष्ट ठरवता येत नाही त्यामुळे विजय कमी प्रतीचा ठरवण्यासाठी अन्य खुसपट काढले जाते. त्यात तालेवार मराठी संपादक भ्रष्टाचाराने बर लेल्या काँग्रेसला उचलून धरतात त्याअर्थी ते सुद्धा लाभार्थी असावेत याची खात्री पटते आणि ह्या आरोपात राहुल करत असलेल्या पोकळ आरोपांपेक्षा जास्त सत्य आहे. दरवेळी तोंडघशी पडल्याने असूया वाढते. आयोडेक्स वापरा. बरे वाटेल.
                                        Reply
                                        1. M
                                          Milind
                                          Dec 19, 2017 at 10:00 am
                                          कसला अनपेक्षित संघर्ष. मोदींना ठाऊक होतेच कि नोटबंदी आणि GST मुले मते जाणार आहेत. निवडणुकीआधीच मोदी म्हणले होते कि देशाच्या हिताचे निर्णय घेईन, सत्ता किव्हा मते गेली तरी चालेल.
                                          Reply
                                          1. प्रेषित
                                            Dec 19, 2017 at 9:56 am
                                            लोकसभा आणि विधानसभा वेगवेगळ्या मुद्द्यांवर लढल्या जातात हे किमनं लक्षात घ्यायला हवे होते. जसे भिहार मध्ये लोकसभेला मोदींच्या पारड्यात मत टाकले गेले पण विधानसभेला नितीशकुमार यांच्या मागे जनता उभी राहिली. गुजरातमध्ये एका बाजूला आरक्षण होते कर्जमाफी होती तर दुसरीकडे २२ वर्ष केलेले नेतृत्व होते. पूर्णतः एकांगी केलेले समीक्षण म्हणावे लागेल.
                                            Reply
                                            1. Load More Comments