News Flash

बँकांचा आता २९ जुलैला संप

या एक दिवसाच्या संपात सार्वजनिक तसेच खासगी क्षेत्रातील बँकाही सहभागी होणार आहेत.

सार्वजनिक क्षेत्रातील बँकांच्या विलीनीकरण विरोधातील गेल्या दोन दिवसांतील संप मोडून निघाल्यानंतर आता २९ जुलैच्या आंदोलनाची घोषणा बँक कर्मचारी, अधिकारी संघटनेने केली आहे. या एक दिवसाच्या संपात सार्वजनिक तसेच खासगी क्षेत्रातील बँकाही सहभागी होणार आहेत. पाच सहयोगी बँकांचे स्टेट बँकेत विलीनीकरण करण्याच्या निर्णयाला विरोध करण्यासाठी संघटनेने १२ व १३ जुलैचा संप घोषित केला होता. यानुसार पहिल्या दिवशी पाच सहयोगी बँका, तर दुसऱ्या दिवशी सर्व सार्वजनिक बँका सहभागी होणार होत्या. मात्र एकूणच हा विषय मुख्य कामगार आयुक्तांकडे प्रलंबित असल्याचा दावा करत पाच सहयोगी बँकांच्या व्यवस्थापनाने सोमवारीच (११ जुलै) दिल्ली उच्च न्यायालयात संपाविरुद्ध धाव घेतली होती. त्यावर संप स्थगित करण्याचे आदेश न्यायालयाने दिले. हे प्रकरण आता २८ जुलै रोजी सुनावणीसाठी येणार असल्याने २९ जुलैच्या संपाची हाक नऊ बँक संघटनांचे नेतृत्व करणाऱ्या ‘युनायटेड फोरम ऑफ बँक युनियन्स’ने (यूएफबीयू) दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2016 7:33 am

Web Title: 10 lakh bankers to strike on july 29 over government policies aibea
Next Stories
1 ‘एनबीसीसी’तील १५ टक्के हिस्सा विक्रीला मंजुरी
2 कर थकविणाऱ्या केर्न एनर्जीचाच उलट सरकारकडे भरपाईचा दावा
3 सलग दुसरा दिवस तेजीचा; ‘निफ्टी’ ८,५०० पल्याड!
Just Now!
X