News Flash

‘पीएफ’वर ९ टक्के व्याज?

कर्मचारी भविष्य निर्वाह निधीवर वार्षिक ९ टक्के व्याज देण्याची तयारी सुरू आहे.

| January 23, 2016 04:10 am

कर्मचारी भविष्य निर्वाह निधीवर वार्षिक ९ टक्के व्याज देण्याची तयारी सुरू आहे. वाढीव पाव टक्के व्याजदराचा लाभ चालू आर्थिक वर्षांत पाच कोटींहून अधिक कर्मचाऱ्यांना लाभ होईल. सध्या या पर्यायावर वार्षिक ८.७५ टक्के व्याज दिले जाते. गेल्या दोन आर्थिक वर्षांपासून हा दर स्थिर आहे.
चालू आर्थिक वर्षांत भविष्य निर्वाह निधीतून होणारे उत्पन्न ३४,८४४.४२ कोटी रुपये राहणार असल्याचा अंदाज असल्याने २०१५-१६ करिता भविष्य निर्वाह निधीवर वार्षिक ९ टक्के व्याजदर देता येऊ शकेल, असे कर्मचारी भविष्य निर्वाह निधी संघटनेचे विश्वस्त व भारतीय मजदूर संघाचे सरचिटणीस पी. जे. बनासुरे यांनी वृत्तसंस्थेला सांगितले. ८.९५ टक्के व्याज दिले तरी ९१ कोटी रुपये अतिरिक्त राहतात, असे समर्थनही त्यांनी केले. मात्र संघटनेने सप्टेंबर २०१५ मध्ये केलेल्या अंदाजानुसार ९ टक्के व्याज दिल्यास १०० कोटी रुपयांची कमतरता भासू शकते. संघटनेच्या वित्तीय लेखा आणि गुंतवणूकविषयक समितीने यापूर्वीच्या बैठकीत ८.९५ टक्के व्याजदराची शिफारस केली होती.
अर्थ मंत्रालयाकडून अल्प बचतीवरील व्याजदर कमी करण्याचे संकेत यापूर्वी दिले गेले आहेत. त्या उलट भविष्य निर्वाह निधीसारख्या योजनेवरील व्याजदर वाढण्याची शक्यता निर्माण झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 23, 2016 4:10 am

Web Title: 9 percent interest on provident fund
Next Stories
1 खनिज तेल पुन्हा ३० डॉलरकडे!
2 मे-जून दरम्यान स्पेक्ट्रम लिलावाची पुढची फेरी
3 टाटा पॉवरकडून करार रद्द?
Just Now!
X