News Flash

आदित्य बिर्ला फॅशनची ‘फिनेस इंटरनॅशनल’मध्ये ५१ टक्के मालकी

प्राथमिक भांडवली भरणा आणि समभाग खरेदी यांच्या माध्यमातून हा अधिग्रहण व्यवहार पूर्ण केला जाणार आहे.

आदित्य बिर्ला फॅशनची ‘फिनेस इंटरनॅशनल’मध्ये ५१ टक्के मालकी

मुंबई : लुई फिलिप, पीटर इंग्लंड आणि व्हॅन ह्य़ूजेन या फॅशन नाममुद्रांचे स्वामित्व असलेल्या आदित्य बिर्ला फॅशन अँड रिटेल लिमिटेड (एबीएफआरएल)ने मागणीप्रमाणे विशेष समारंभांसाठी उंची आणि आधुनिक पोशाख घडविणाऱ्या सुप्रसिद्ध फिनेस इंटरनॅशनल डिझाइनमधील ५१ टक्के भागभांडवली हिस्सा ९० लाख अमेरिकी डॉलर (सुमारे ६२ कोटी रुपये) मोबदल्यात खरेदी केला आहे.

एबीएफआरएलच्या संचालक मंडळातील अधिग्रहण समितीने बुधवारी फिनेस इंटरनशनलच्या ५१ टक्के समभागांचे संपादन करण्यास मंजुरी दिली, असे कंपनीने मुंबई शेअर बाजाराला अधिकृतपणे कळविले आहे. प्राथमिक भांडवली भरणा आणि समभाग खरेदी यांच्या माध्यमातून हा अधिग्रहण व्यवहार पूर्ण केला जाणार आहे.

फिनेसच्या या अधिग्रहणामुळे तिची ‘शंतनू अँड निखिल’ ही नाममुद्रा एबीएफआरएलच्या ताफ्यात येणार आहे.

२००७ साली स्थापित फिनेस देशभरात पाच विक्रेता दालने असून,  शंतनू मेहरा आणि निखिल मेहरा या लोकप्रिय डिझायनरकडून रचित भारतीय पोशाखांची विक्री केली जाते.

एबीएफआरएलचे व्यवस्थापकीय संचालक आशीष दीक्षित म्हणाले, या संपादन व्यवहारामुळे या महत्त्वाच्या तसेच वेगाने वाढणाऱ्या विभागात कंपनीचे अस्तित्व अधिक खोलवर रुजेल आणि एकंदर ब्रॅण्डेड कपडय़ांच्या बाजारपेठेतील कंपनीचे आघाडीचे स्थान अधिक भक्कम होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 18, 2019 2:31 am

Web Title: aditya birla fashion acquire 51 percent stake in finesse international zws 70
Next Stories
1 हिंदुस्थान अँटिबायोटिक्स कामगारांना थकीत वेतन मिळणार!
2 व्यवसायपूरक वातावरण, सुलभ व्यापार अटी थेट विदेशी गुंतवणुकीसाठी प्रोत्साहनदायी
3 नियमित उत्पन्न नसणाऱ्यांनाही घरासाठी २० लाखांपर्यंतचे कर्ज
Just Now!
X