तेल, वायू आणि ऊर्जेमध्ये उत्कृष्टता केंद्र उभारण्यासाठी आयआयटी मुंबई आणि सरकारी तेल कंपन्यांमध्ये नुकताच एक करार करण्यात आला. केंद्रीय पेट्रोलियम व नैसर्गिक वायू आणि कौशल्य विकास, उद्योजकता मंत्री धर्मेद्र प्रधान आणि पेट्रोलियम व नैसर्गिक वायू मंत्रालयाचे सचिव एम. एम. कुट्टी यांच्या उपस्थितीत याबाबतच्या उपक्रमावर शिक्कामोर्तब झाले. यानिमित्ताने भारतातील तेल व वायू उद्योगाला स्पर्धात्मक लाभ देण्यासाठी सरकारी तेल कंपन्या आणि आयआयटी मुंबई एकत्रित तेल, गॅस आणि ऊर्जा क्षेत्रातील उत्कृष्टता केंद्र स्थापित करण्यासाठी एकत्र आले आहेत.
