एअरटेलने तिच्या प्रीपेड कार्डधारकांना इंटरनेटवरील सेवेसाठी अमर्याद वैधतेसाठी पुरविण्याचा निर्णय घेतला आहे. यासाठी कंपनीने तीन नव्या योजना सादर केल्या असून त्या सध्या मुंबई तसेच दिल्लीतील ग्राहकांसाठीच उपलब्ध आहेत. मुंबईतील ग्राहकांना २२ रु. (३०एमबी), ५४ रु, (८०एमबी), ७३ (११०एमबी) रुपयांमध्ये ही सेवा घेता येईल. ग्राहकांचा प्राधान्यक्रम लक्षात घेऊनच कंपनीने अशा प्रकारची योजना सादर करताना प्रीपेड मोबाइल सेवेतील अनोखे पाऊल उचलले आहे, असे कंपनीच्या बाजार परिचालन विभागाचे संचालक अजय पुरी यांनी सांगितले.
