07 April 2020

News Flash

सेन्सेक्स आठवडय़ाच्या नीचांकाला, रुपया, सोने उंचावले

आघाडीच्या समभागांची विक्री होत राहिल्याने सेन्सेक्स बुधवारी सप्ताहाच्या नीचांकाला आला. अमेरिकेच्या रोजगार आकडेवारीने निराश झालेल्या जागतिक शेअर बाजारांना साथ देत मुंबई निर्देशांक जवळपास शतकी घसरण

| October 24, 2013 12:56 pm

आघाडीच्या समभागांची विक्री होत राहिल्याने सेन्सेक्स बुधवारी सप्ताहाच्या नीचांकाला आला. अमेरिकेच्या रोजगार आकडेवारीने निराश झालेल्या जागतिक शेअर बाजारांना साथ देत मुंबई निर्देशांक जवळपास शतकी घसरण नोंदविता झाला. ९७.०९ अंश घसरणीसह सेन्सेक्स २०,७६७.८८ वर आला, तर निफ्टी २४.४५ अंश आपटीसह ६,२०० च्या खाली येत ६,१७८.३५ पर्यंत घसरला. परकी चलन व सराफा बाजारात मात्र तेजी नोंदली गेली.
मंगळवारच्या व्यवहारात २९ अंशांची घसरण नोंदवीत मुंबई शेअर बाजाराने सलग तीन सत्रांनंतर प्रथमच घट राखली. बुधवारी २०,९२२.३२ अशा तेजीसह व्यवहाराची सुरुवात करणारा सेन्सेक्स दिवसअखेर घसरला. या वेळी त्याने १७ ऑक्टोबरच्या २०,४१५.५१ या टप्प्यानजीक राहणे पसंत केले. ६,२०० च्या वर असलेला निफ्टी बुधवारी घसरणीनंतर या पातळीखाली आला. घसरणीच्या दफ्तरी माहिती तंत्रज्ञान व वाहन कंपन्यांची नोंद झाली.
दरम्यान, सलग तीन व्यवहारांतील घसरण मोडीत काढत रुपया बुधवारी ६ पैशांनी उंचावला. डॉलरच्या तुलनेत त्याचे मूल्य ६१.५९ वर राहिले, तर सराफा बाजारातील चमक अधिक राहिली. सोने तोळ्यामागे एकदम ४१० रुपयांनी वाढून १० ग्रॅमसाठी ३१,७४० या ३२ हजाराच्या नजीक पोहोचले, तर किलोमागे ९१० रुपयांची वाढ नोंदवीत चांदीच्या दराने ५० हजारांचा पल्ला गाठला. पांढऱ्या धातूला बुधवारी एक किलोसाठी ५०,५४० रुपयांचा भाव मिळाला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 24, 2013 12:56 pm

Web Title: bse sensex hits 1 week low
Next Stories
1 सोन्याने गमावलेल्या गुंतवणुकीच्या कसाला हिऱ्यांमध्ये गुंतवणुकीचा उमदा पर्याय!
2 संक्षिप्त-वृत्त :‘एमसीएक्स’वर पाच नवे संचालक
3 टाटा सिंगापूर एअरलाईन्स उड्डाणासाठी सज्ज
Just Now!
X