News Flash

डिमॅट खाते उघडताना गुंतवणूकदारांना मुद्रांक शुल्क भरण्यापासून मोकळीक

गुंतवणूकदारांच्या दृष्टीने एकूण प्रक्रियेत सुलभता आणणारी ‘ई-केवायसी’सारखी अनेक नवीन पावले टाकणाऱ्या ‘सेबी’ने आता डिमॅट खाते उघडताना करावा लागणारा करारनामा आणि त्यापोटी आकारले

| December 7, 2013 12:01 pm

गुंतवणूकदारांच्या दृष्टीने एकूण प्रक्रियेत सुलभता आणणारी ‘ई-केवायसी’सारखी अनेक नवीन पावले टाकणाऱ्या ‘सेबी’ने आता डिमॅट खाते उघडताना करावा लागणारा करारनामा आणि त्यापोटी आकारले जाणाऱ्या मुद्रांक शुल्कापासूनही गुंतवणूकदारांना मोकळीक मिळेल, असे ताजे परिपत्रक काढले आहे.
डिमॅटची सुविधा प्रदान करणाऱ्या डिपॉझिटरी पार्टिसिपन्ट अर्थात बँका, दलाल पेढय़ा अथवा वित्तीय संस्थांबरोबर डिमॅट खातेधारकाला विशिष्ट करारनाम्यावर स्वाक्षरी करावी लागत असे. परंतु सेबीने जारी केलेल्या नव्या परिपत्रकाप्रमाणे या करारनाम्याची गरज नसून, त्याऐवजी केवळ ‘हक्क व दायित्व’नामा नावाच्या सामान्य दस्तऐवजावर डिमॅटधारकाला स्वाक्षरी करावी लागेल. या दस्तऐवजाची नोंदणीही आवश्यक नसल्याने मुद्रांक शुल्काची आकारणीही गैरलागू ठरेल. ‘सीडीएसएल’ या डिपॉझिटरी सेवेने प्रसिद्धीस दिलेल्या पत्रकान्वये, महाराष्ट्रात मुद्रांक शुल्कापोटी प्रत्येक डिमॅटधारकाला १०० रु. द्यावे लागत असत, यापुढे मात्र गुंतवणूकदारांना हे शुल्क भरावे लागणार नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2013 12:01 pm

Web Title: dmat account opening now gets more easy
टॅग : Business News
Next Stories
1 २०१४ मध्येही उद्योगक्षेत्रापुढील आव्हाने कायम
2 दलाल स्ट्रीटचाही ‘कमळ’ कौल!
3 सेन्सेक्स निफ्टी
Just Now!
X