News Flash

स्टॅन्चार्ट बँकेच्या भारतातील प्रमुखपदी झरिन दारूवाला

स्टॅण्डर्ड चार्टर्ड भारतातील मुख्य कार्यकारी अधिकारीपदी झरिन दारूवाला यांची नियुक्ती करण्यात आली आहे.

झरिन दारूवाला

मूळच्या ब्रिटनच्या स्टॅण्डर्ड चार्टर्ड बँकेच्या भारतातील मुख्य कार्यकारी अधिकारीपदी झरिन दारूवाला यांची नियुक्ती करण्यात आली आहे. त्या ज्या आयसीआयसीआय बँकेतील घाऊक बँक विभागाच्या अध्यक्षपदाचा कार्यभार पाहत होत्या तो आता आयसीआयसीआय समूहातीलच विशाखा मुळ्ये या मराठी महिला अधिकाऱ्यांकडे येणार असल्याचे समजते.
महिलाच नेतृत्व करत असलेल्या आयसीआयसीआय समूहात महिलांमधील रस्सीखेच पुन्हा एकदा प्रकर्षांने समोर आली आहे. आयसीआयसीआय व्हेंचर फंड्स मॅनेजमेंट कंपनीच्या व्यवस्थापकीय संचालिका व मुख्याधिकारी विशाखा मुळ्ये यांना सोमवारीच बँकेच्या संचालक मंडळावर घेण्यात आले. काही वर्षांपूर्वी बँक समूहातील शिखा शर्मा या बाहेर पडत अ‍ॅक्सिस बँकेत रुजू झाल्या होत्या. स्टॅण्डर्ड चार्टर्ड बँकेच्या भारतात १०० हून अधिक शाखा असून ती देशातील सर्वात मोठी खासगी विदेशी बँक आहे. बिकट आर्थिक स्थितीत असलेल्या बँकेच्या संघरचनेत फेरबदल सुरू आहेत. यानुसार झरिन यांच्या आधी भारतीय व्यवसायाची जबाबदारी पाहात असलेले सुनील कौशल यांना आफ्रिका विभागाचे मुख्य म्हणून बढती देण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 18, 2015 12:24 am

Web Title: former icici banker zarin daruwala named stanchart india ceo
Next Stories
1 सोने तीन महिन्यांच्या नीचांक स्तराला
2 रिझव्‍‌र्ह बँक कर्मचारी आंदोलनावर ठाम
3 ‘एसएमई’ भागविक्रीच्या क्षेत्रात पेन्टोमॅथ कॅपिटलला अग्रस्थान
Just Now!
X