03 August 2020

News Flash

गंगा शुद्धीकरण मोहिमेत जल क्षेत्रातील जर्मन कंपन्या सहभागास उत्सुक

केंद्र सरकारने हाती घेतलेल्या महत्त्वाकांक्षी गंगा शुद्धिकरण मोहिमेबद्दल देशविदेशातील अनेक जल व पर्यावरण क्षेत्रातील कंपन्यांना उत्सुकता असून, जर्मनीत आवश्यक ते सर्व सहकार्य प्रदान केले जाईल,

| October 11, 2014 04:42 am

केंद्र सरकारने हाती घेतलेल्या महत्त्वाकांक्षी गंगा शुद्धिकरण मोहिमेबद्दल देशविदेशातील अनेक जल व पर्यावरण क्षेत्रातील कंपन्यांना उत्सुकता असून, जर्मनीत आवश्यक ते सर्व सहकार्य प्रदान केले जाईल, अशी ग्वाही जर्मनीचे भारतातील राजदूत मायकेल स्टाइनर यांनी दिली.
स्टाइनर यांच्या हस्ते जर्मन सहकार्याने आयोजित ‘इफाट इंडिया २०१४’ या पर्यावरण तंत्रज्ञानावर बेतलेल्या आंतरराष्ट्रीय प्रदर्शनाचे गुरुवारी उद्घाटन झाले. गोरेगावच्या मुंबई प्रदर्शन संकुलात हे प्रदर्शन शनिवापर्यंत सुरू असेल. या समयी भारत सरकारच्या नगरविकास मंत्रालयाचे सचिव शंकर अग्रवाल हेही उपस्थित होते. स्टाइनर यांच्या हस्ते या निमित्ताने ‘स्वच्छ गंगा पुरस्कारां’चेही वितरण करण्यात आले.
केंद्रातील सत्ताबदलाने देशाच्या उद्योगक्षेत्राचे उंचावलेले मनोबल आणि आंतरराष्ट्रीय नाणेनिधीसह अनेक नामांकित वित्तसंस्थांनी भारताचा आर्थिक विकास दर २०१५ मध्ये सहा टक्क्यांपेक्षा अधिक राहण्याचे वर्तविलेले भाकीत यामुळे देशात होणाऱ्या प्रत्येक घडामोडीत विदेशातून रस आणि सहभाग वाढताना दिसत आहे. यंदा या प्रदर्शनात सहभागी १२३ कंपन्यांपैकी ६५ टक्के कंपन्या या विदेशातील आहेत, हाच याचा प्रत्यय आहे, असे या प्रदर्शनाचे आयोजन करणाऱ्या एमएमआय इंडियाचे मुख्याधिकारी भूपिंदर सिंग यांनी सांगितले. भारतात व्यवसाय विस्ताराच्या भरपूर शक्यता दिसत असल्यानेच इतक्या मोठय़ा संख्येने विदेशी कंपन्यांचे प्रदर्शनात स्वारस्य दिसत असल्याचे त्यांनी स्पष्ट केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 11, 2014 4:42 am

Web Title: germany keen to share know how funds for ganges clean up
Next Stories
1 भागधारकांच्या सभा या केवळ चहा-समोसा पाटर्य़ा ठरू नयेत : सेबी
2 दिवाळीपूर्व तेजीला सुरुवात
3 सरकारी तिजोरीला ६० हजार कोटींचे घबाड!
Just Now!
X