28 September 2020

News Flash

धास्तावलेल्या सेन्सेक्सला ३४७ अंशांचा खड्डा!

भांडवली बाजारावर सोमवारी सप्ताहारंभी देशविदेशातील अर्थचिंतांचे स्पष्ट सावट दिसून आले; परिणाम नफावसुलीसाठी झालेल्या समभागांच्या विक्रीने प्रमुख निर्देशांक-सेन्सेक्सने ३४७.५० अंश गमावले.

| October 1, 2013 01:14 am

भांडवली बाजारावर सोमवारी सप्ताहारंभी देशविदेशातील अर्थचिंतांचे स्पष्ट सावट दिसून आले; परिणाम नफावसुलीसाठी झालेल्या समभागांच्या विक्रीने प्रमुख निर्देशांक-सेन्सेक्सने ३४७.५० अंश गमावले. सप्टेंबरच्या शेवटच्या दिवसातील या घसरणीने सेन्सेक्सने तीन आठवडय़ांपूर्वीच्या पातळीवर पुन्हा फेर धरला. जगभरात सर्वत्रच भांडवल बाजारातील नरमाईचे पडसाद स्थानिक बाजारावर जाणवले.
सोन्याची आयात वाढल्यामुळे एप्रिल ते जून २०१३ या तिमाहीतील चालू खात्यातील तुटीचा सायंकाळी उशिराने जाहीर होणारा आकडा प्रतिकूलच असेल आणि परिणामी रिझव्‍‌र्ह बँकेकडून ऑक्टोबरच्या पतधोरण आढाव्यात व्याजदरात आणखी वाढ केली जाईल, अशा चिंतांचे बाजारावर सावट दिसून आले. अमेरिकेत उद्भवलेला अर्थसंकल्पीय पेचप्रसंग, विश्वासदर्शक ठरावाची टांगती तलवार असलेले इटलीचे पंतप्रधान एन्रिको लेट्टा यांच्यामुळे तेथे निर्माण झालेली राजकीय अनिश्चितता यामुळे नरमलेल्या आशियाई बाजारांनी स्थानिक शेअर बाजाराचा मूड प्रभावित केला.
आशियाई बाजारांचा कल पाहता, सेन्सेक्सने घसरणीसह सोमवारी सकाळी प्रारंभ केला. सरलेल्या शुक्रवारी १६६.५८ अंश घसरणीवर स्थिरावलेल्या सेन्सेक्समध्ये दिवस सरत गेला तशी घसरण रुंदावतच गेली. दिवसअखेर तो ६ सप्टेंबरच्या १९२७०.०६ पातळीच्या आसपास म्हणजे १९३७९.७७ वर स्थिरावला. राष्ट्रीय शेअर बाजाराचा निर्देशांक-निफ्टी ९७.९० (१.६८%) घसरणीसह ५७३५.३० वर स्थिरावला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 1, 2013 1:14 am

Web Title: global woes drag bse sensex 347 points down banking infrastructure stocks hit
Next Stories
1 श्रीराम ट्रान्सपोर्ट रोखेविक्रीतून ५०० कोटी उभारणार
2 सणांच्या मुहूर्तावर टीबीझेडचे खरेदीसुलभ ‘गिफ्ट कार्ड’
3 अर्थसमस्येवर अल्प व्याजदर उतारा नव्हे
Just Now!
X