भांडवली बाजारात नव नव्या विक्रमाची तेजी सुरू असतानाच, अपेक्षेप्रमाणे सराफा बाजारात मात्र नरमाई पाहायला मिळत आहे. मुंंबईच्या सराफा बाजारात सोने तोळ्यामागे आता २९ हजारांच्याही खाली उतरले आहे. बुधवारी सराफ बाजारातील व्यवहारात या मौल्यवान धातूच्या १० ग्रॅम वजनाला २८,६६० रुपयांचा भाव मिळाला. मंगळवारच्या तुलनेत त्यात तोळ्यामागे ६७४ रुपयांची घट दिसून आली. कमी झाले. याचबरोबर चांदीचा दरही आता किलोसाठी ४४ हजारांच्या खाली आला आहे. पांढऱ्या धातूचा बुधवारचा दर किलोमागे ८४५ रुपयांनी कमी होत ४३,५०० रुपये झाला.
