27 September 2020

News Flash

टाटा समूहाला सरकारी साहाय्य

टाटा समूहाचा पोर्ट टालबोट प्रकल्प तोटय़ात असल्याने विकण्यात येणार आहे

| April 5, 2016 04:39 am

ब्रिटनमधील पोलाद कंपन्यांना हात

टाटा समूहाने ब्रिटनमधील पोलाद प्रकल्प बंद करण्याचा इरादा जाहीर केला असून या तोटय़ातील कंपन्यांना मदत केली जाईल, असे ब्रिटन सरकारने जाहीर केले.
टाटा समूहाचा पोर्ट टालबोट प्रकल्प तोटय़ात असल्याने विकण्यात येणार आहे, पण कुणी ग्राहक मिळाले नाही तर तो बंद करण्यात येईल, असे कंपनीच्या प्रवक्तयांनी म्हटले आहे.
दरम्यान, व्यापार मंत्री साजिद जावेद यांनी सांगितले, की या कंपनीचे राष्ट्रीयीकरण करण्याचा विचार नाही पण तशी शक्यता नाकारताही येत नाही. सध्या तरी कुठली शक्यता फेटाळता येणार नाही, पण राष्ट्रीयीकरण हा शेवटचा उपाय असेल. अजूनही कंपनीला ग्राहक शोधण्यासाठी वेळ आहे. सर्व पर्याय अजमावले जातील व विक्रीस अनुकूलता निर्माण केली जाईल. पोर्ट टालबोट व टाटा स्टीलच्या ब्रिटनमधील मालमत्तांना ग्राहक मिळतील. टाटा कंपनी लवकरच विक्री प्रस्ताव मांडणार आहे. या प्रकल्पांच्या खरेदीसाठी भारतीय वंशाचे पोलाद सम्राट संजीव गुप्ता प्रयत्नशील आहेत.
गुप्ता यांच्या निकटवर्तीयांनी सांगितले की, चर्चा अजून प्राथमिक स्थितीत आहे व पुढील बोलणी उद्या सुरू होतील. माझ्या सूचना कंपनीतील लोक, कामगार व सरकारने विचारात घेतल्या तर चर्चा करीन, असे गुप्ता यांनी ‘द संडे टेलिग्राफ’ला सांगितले.
गुप्ता यांना पोर्ट टालबोटच्या पारंपरिक भट्टय़ा आधुनिक करण्यासाठी सरकारची मदत हवी आहे. कार्बन करातही सवलत हवी आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 5, 2016 4:39 am

Web Title: government assistance to tata group
टॅग Tata Group
Next Stories
1 धोरण स्पष्ट झाले; अंमलबजावणीचे काय?
2 अपेक्षित व्याजदर कपातीच्या प्रतीक्षेत तेजी
3 आरोग्य विम्याविषयी महिला जागरुक
Just Now!
X