हिताची लि.चे एक अग असलेल्या हिताची लिफ्ट इंडिया प्रा. लि.ने भारताच्या उद्वाहन बाजारपेठेत नव्याने प्रवेश करून हातपाय पसरवायला सुरुवात केली आहे. कंपनीने अलीकडे आयटीसी समूहातील ‘आयटीसी कोहिनूर’ या हैदराबादस्थित पंचतारांकित हॉटेलसाठी भारतातील आजवरची सर्वात मोठी २३ उद्वाहनांसाठी मागणी मिळविली आहे. यापैकी आठ प्रति सेकंदाला ३.५ मीटर अंतर कापणारे गतिमान उद्वाहने आहेत. आयटीसीचे हे हॉटेल २०१७ सालच्या प्रारंभी सुरू होणे अपेक्षित आहे.
