भारतीय रिझव्‍‌र्ह बँकेच्या पतधोरण पूर्वसंध्येला भांडवली बाजाराने उत्तम कामगिरी बजाविली. नव्या सप्ताहाची सुरुवात करताना सेन्सेक्स तब्बल २४२.३२ अंशाने वधारत २५,५०० च्या वर जात २५,७२३.१६ वर पोहोचला. तर राष्ट्रीय शेअर बाजाराचा निफ्टीदेखील ८१.०५ अंश वधारणेसह ७,६८३.६५ वर बंद झाला. व्यवहारात तो ७,६९४.८० ते ७,६२२.०५ असा प्रवास करता झाला.मुंबई शेअर बाजाराने याचबरोबर गेल्या दोन व्यवहारांतील घसरण रोखली. या दरम्यान मुंबई निर्देशांकात ६०६.५८ अंश घट झाली होती. तर निफ्टीनेही याच कालावधीत १८९ अंशांचे नुकसान सोसले होते.व्याजदराशी निगडित बँक, ग्राहकोपयोगी वस्तू, वाहन क्षेत्रातील समभागांच्या खरेदी जोरावर सप्ताहाच्या पहिल्या दिवशी सेन्सेक्स सत्रात २५,७५४.४२ पर्यंत झेपावला. मुंबई निर्देशांकाला या वेळी माहिती तंत्रज्ञान क्षेत्रातील कंपन्यांनीही साथ दिली. जागतिक शेअर बाजारही सोमवारी सावरलेले दिसले. चीनमधील वधारती आर्थिक आकडेवारी आणि पोर्तुगालची सावरणारी मध्यवर्ती बँक या घडामोडी लक्षात घेत आंतरराष्ट्रीय निर्देशांकांनीही तेजी नोंदविली. सोमवारच्या व्यवहारात २५,५३१.३८ पर्यंत दिवसाची नीचांक राखणारा सेन्सेक्स दिवसअखेर मात्र पुन्हा स्थिरावला. रिझव्‍‌र्ह बँक मंगळवारच्या पतधोरणात व्याजदर स्थिर ठेवण्याच्या आशेने गुंतवणूकदारांनी कमी दरांवर खरेदीचा कल नोंदविला.विशेषत: व्याजदराचा परिणाम करणाऱ्या स्टेट बँक, आयसीआयसीआय बँक, अ‍ॅक्सिस बँक यांच्या समभागात एक टक्क्य़ाची वाढ झाली. तर मारुती सुझुकी, बजाज ऑटोचे समभाग मूल्यही २.४ टक्क्य़ांपर्यंत उंचावले.सेन्सेक्समधील ३० पैकी तब्बल २५ कंपनी समभाग वधारणेच्या यादीत राहिले. त्यात माहिती तंत्रज्ञान क्षेत्रातील इन्फोसिस, विप्रोसह हिंदाल्को, सेसा स्टरलाइट, टाटा मोटर्स, ओएनजीसी, एल अ‍ॅण्ड टी, आयटीसी, टाटा पॉवर, महिंद्र अ‍ॅण्ड महिंद्र यांचाही क्रम राहिला. क्षेत्रीय निर्देशांकांमध्ये ग्राहकोपयोगी वस्तू निर्देशांक सर्वाधिक ३.२ टक्क्य़ांनी वधारला. पाठोपाठ माहिती तंत्रज्ञान, ऊर्जा, बँक क्षेत्राची कामगिरी राहिली. मुंबई शेअर बाजाराची सोमवारची वाढ ही गेल्या पंधरवडय़ातील सवरेत्कृष्ट वाढ राहिली आहे. यापूर्वी २२ जुलै रोजी सेन्सेक्स एकाच सत्रात तब्बल ३१०.६३ अंशांनी उंचावला होता. निफ्टीनेही हीच कामगिरी याच दिवशीच्या ८३.६५ अंश वाढीनंतर सोमवारी राखली.डॉलर भक्कमतेपोटी आयटी समभाग वधारलेसोमवारच्या व्यवहारात रुपया गेल्या तीन महिन्यांच्या तळात पोहोचला होता. या वेळी त्याने ६१चीही पातळी सोडली. मात्र तुलनेत भक्कम होत असलेला डॉलर लक्षात घेत गुंतवणूकदारांनी माहिती तंत्रज्ञान क्षेत्रातील कंपन्यांना अधिक भाव प्राप्त करून दिला. भारतीय आयटी कंपन्यांना ७० टक्क्य़ांहून अधिक महसूल अमेरिकन चलनात मिळत असल्याने घसरत्या रुपयाच्या व परिणामी वधारणाऱ्या डॉलरच्या क्रमाने गुंतवणूकदारांनी पदरात लाभ पाडून घेण्याचे धोरण सोमवारी भांडवली बाजारातील व्यवहाराच्या रूपाने अवलंबिले. आयटी क्षेत्रातील समभागांचे मूल्य शेअर बाजार दफ्तरी ४ टक्क्य़ांपर्यंत झेपावले. सेन्सेक्समध्येही याच क्षेत्रातील इन्फोसिस ३.६ टक्क्य़ांच्या वाढीसह आघाडीवर राहिला.रुपयाची धडकीडॉलरच्या तुलनेत ६१ च्या वरच्या टप्प्याला गवसणी घालत स्थानिक चलनाने सप्ताहारंभीच धडकी भरविली. डॉलरच्या तुलेत रुपया सोमवारी व्यवहारा दरम्यान थेट ६१ च्या खाली उतरत ६१.१६ पर्यंत घसरला. दिवसअखेर तो शुक्रवारच्या तुलनेत २५ पैशांनी वधारत ६०.९३ अशा ६१ च्या काठावर विसावला. रुपया सोमवारच्या सत्रात ६१.१६ पर्यंत घसरला. तर दिवसाचा त्याचा सर्वोच्च स्तर ६०.८८ राहिला. ओघ २६ अब्ज डॉलपर्यंतऐतिहासिक टप्प्याला गवसणी घालणाऱ्या जुलैमध्ये विदेशी संस्थागत गुंतवणूकदारांनी ६ अब्ज डॉलरचा निधी भांडवली बाजारात ओतला आहे. यामुळे २०१४ मधील आतापर्यंतची त्यांची गुंतवणूक २६ अब्ज डॉलर झाली आहे.पोर्तुगालची बँक सावरलीयुरोप संघातील पोर्तुगालची मध्यवर्ती बँक सावरण्याची प्रक्रिया अखेर पार पडत आहे. बॅको एस्पिरिटो सान्टा या त्या देशातील सर्वात मोठी बँकेला ६.६ अब्ज डॉलरचे आर्थिक सहाय्य देण्याचा मार्ग मोकळा होत आहे.
