News Flash

डॉलर-रुपया जुगलबंदी

जगातील दोन प्रमुख अर्थव्यवस्थेतील मध्यवर्ती बँकांच्या गव्हर्नरांनी केलेल्या आशादायक वक्तव्यामुळे संबंधित देशांच्या चलनात सोमवारी तीव्र हालचाल पाहायला मिळाली.

| November 19, 2013 12:20 pm

जगातील दोन प्रमुख अर्थव्यवस्थेतील मध्यवर्ती बँकांच्या गव्हर्नरांनी केलेल्या आशादायक वक्तव्यामुळे संबंधित देशांच्या चलनात सोमवारी तीव्र हालचाल पाहायला मिळाली. अमेरिकेच्या फेडरल रिझव्‍‌र्हच्या संभाव्य प्रमुख जेनेट येलेन यांनी अमेरिकन अर्थव्यवस्थेच्या सुधाराचा रोखे खरेदीचा निर्णय तूर्त कायम असल्याने तसेच भारतात रिझव्‍‌र्ह बँकेचे गव्हर्नर डॉ. रघुराम राजन यांनी भारतासारख्या विकसनशील देशाचे अर्थचित्र आगामी कालावधीत उज्ज्वल भविष्याचे असेल, या विधानाने चलनानेही मंगळवारी उसळी घेतली.
डॉलरच्या तुलनेत रुपया सप्ताहाच्या पहिल्याच दिवशी ७० पैशांनी भक्कम होत ६२.४१ पर्यंत वधारला. अर्थात त्याला येथील भांडवली बाजाराच्या तेजीची जोड मिळाल्याने व्यवहारात तो ६२.३७ पर्यंत झेपावला. गेल्या आठवडय़ात ६४ नजीकचा तळ गाठणाऱ्या रुपयाने यामुळे आता सलग तिसऱ्या सत्रात वाढ नोंदविली. चलनाची १.११ टक्के ही ३ ऑक्टोबरनंतरची सर्वात मोठी झेप राहिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 19, 2013 12:20 pm

Web Title: indian rupee up against us dollar
टॅग : Us Dollar
Next Stories
1 आर्थिक मंदीचा बँकांच्या गुणवत्तेवर परिणाम
2 बँकांनी एका तपात लाख कोटींवर पाणी सोडले
3 पहिल्या महिला बँकेच्या सात शाखांचा आज शुभारंभ
Just Now!
X