केरळमधील व्यावसायिक प्रशिक्षणाचा दर्जा व मनुष्यबळाच्या कौशल्यवर्धनाचा आंतरराष्ट्रीय उपक्रम असलेल्या ‘नयपुण्यम संमेलना’च्या निमित्ताने सहयोगींची बैठक अलीकडेच मुंबईत पार पडली. केरळचे कामगार व कौशल्य विकास विभागाचे मंत्री शिबू बेबी जॉन यांच्या उपस्थितीत झालेल्या या बैठकीसाठी मुंबईतील अनेक उद्योग-व्यवसायांकडून स्वारस्य दिसून आल्याचा आयोजकांनी दावा केला. केरळ अकॅडमी फॉर स्किल्स एक्सलन्स आणि सरकारच्या रोजगार व प्रशिक्षण विभागाकडून एक परिषद होणार आहे. ५ ते ७ फेब्रुवारी २०१६ दरम्यान ही परिषद त्रिवेंद्रम येथे होत आहे.
