‘नॅशनल एज्युकेशन अ‍ॅण्ड ह्युमन रिसोर्स डेव्हलपमेन्ट ऑर्गेनायजेशन’ संस्थेतर्फे ‘विको लॅबॉरेटरिज्’ला ‘राष्ट्रीय उद्योग रत्न’ पुरस्काराने सन्मानित करण्यात आले आहे. आयुर्वेदिक औषधांच्या निर्मिती क्षेत्रात कार्य करणाऱ्या विको समूहाची सध्या हिरक महोत्सवी वाटचाल सुरू आहे. ‘उपेक्षा आणि अनास्था यांच्या गर्तेत भारतीय आयुर्वेद क्षेत्र अडकले असताना निष्ठेने आयुर्वेदिक उत्पादनांच्या निर्मिती आणि वितरणातील समूहाच्या कार्याची पावतीच हा पुरस्कार’ असल्याचे समूहाचे अध्यक्ष गजाननराव पेंढरकर यांनी यानिमित्ताने म्हटले आहे.
