News Flash

आठ टक्के वृद्धिदराचे उद्दिष्ट गाठण्यासाठी पायाभूत विकासाला पूरक नव्या वित्तीय उत्पादनांची गरज- चिदम्बरम

देशाने आठ टक्क्यांचा वृद्धिदर गाठायचा झाल्यास, पायाभूत क्षेत्राचा विकास आवश्यक ठरेल आणि त्याला पूरक अशा ‘इन्फ्रास्ट्रक्चर डेट फंड (आयडीएफ)’सारख्या नव्या धाटणीच्या वित्तीय उत्पादनांचीही गरज असल्याचे

| June 19, 2013 12:12 pm

देशाने आठ टक्क्यांचा वृद्धिदर गाठायचा झाल्यास, पायाभूत क्षेत्राचा विकास आवश्यक ठरेल आणि त्याला पूरक अशा ‘इन्फ्रास्ट्रक्चर डेट फंड (आयडीएफ)’सारख्या नव्या धाटणीच्या वित्तीय उत्पादनांचीही गरज असल्याचे अर्थमंत्री पी. चिदम्बरम मंगळवारी येथे बोलताना प्रतिपादन केले.
पायाभूत क्षेत्राच्या विकासासाठी पूरक आर्थिक तजवीज करणाऱ्या १ अब्ज अमेरिकी डॉलरच्या आयआयएफसीएल अ‍ॅसेट मॅनेजमेंट कंपनीद्वारे प्रस्तुत इन्फ्रास्ट्रक्चर डेट फंड-आयडीएफची प्रस्तुती चिदम्बरम यांच्या हस्ते झाली. याप्रसंगी या फंडात गुंतवणुकीला चालना देण्याची जबाबदारी सोपविण्यात आलेल्या तीन सार्वजनिक क्षेत्रातील बँका आणि आयआयएफसीएल आणि हडको या दोन वित्तीय संस्थांबरोबर सामंजस्यांचा करारही अर्थमंत्र्यांच्या उपस्थितीत करण्यात आला. २०१० सालच्या अर्थसंकल्पात घोषणा झालेल्या ‘आयडीएफ’विषयक नियमन आणि मार्गदर्शक तत्त्वांची सेबी आणि रिझव्‍‌र्ह बँकेकडून गेल्या वर्षी घोषणा करण्यात आली आणि त्या अनुषंगाने दाखल झालेला हा पहिला फंड आहे. या फंडाचे १ अब्ज डॉलरचे गंगाजळीचे उद्दिष्ट गाठण्यासाठी देशातील तसेच आंतरराष्ट्रीय गुंतवणूकदारांनाही आकर्षित केले जाणार आहे. देशातील रोखे बाजारपेठेच्या सशक्त विकासाच्या दृष्टीने हा फंड पर्याय मोलाची कामगिरी बजावेल, असा विश्वास याप्रसंगी बोलताना आयआयएफसीएलचे अध्यक्ष व व्यवस्थापकीय संचालक एस. के. गोयल यांनी व्यक्त केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2013 12:12 pm

Web Title: new financial products needed to push infra development fm
Next Stories
1 मे महिन्यात एकूण निर्यात १.१% ने घटली तर याच काळात वस्त्र निर्यात ११% ने बहरली
2 ‘सेबी’ने मंजुरी दिलेला ‘एआयएफ- हेज फंड’ काव्र्हीकडून दाखल
3 नफेखोरीचे ग्रहण ; ‘सेन्सेक्स’मध्ये शतकी घसरणह्ण
Just Now!
X