News Flash

पेमेंट बँकांबाबत बागुलबुवा नको!

चंदा कोचर यांनी त्यावर शरसंधान करतानाच वरील विधान केले.

ICICI Bank , Job, salary, payment, salary hike , apprisal , ICICI Bank hikes CEO Chanda Kochhar Salary , Chanda Kochhar earns Rs 2 lakh per day , Loksatta, Loksatta news, Marathi, Marathi news
ICICI Bank CEO CHANDA KOCHAR: आयसीआयसीआय बँकेच्या प्रमुख चंदा कोचर आणि त्यांच्या कुटुंबीयांविरोधात आर्थिक अनियमिततेच्या आरोपाप्रकरणी भारतातील तपास यंत्रणांकडून सध्या चौकशी सुरू आहे.

चंदा कोचर यांचे बँकप्रमुखांना आवाहन

बँकिंग उद्योगात काही उलथापालथ घडायची असेल तर ती या क्षेत्रात नवनवीन स्पर्धकांच्या येण्याने नव्हे तर नव्याने येत असलेल्या तंत्रज्ञान व त्याच्या वापरातून घडून येईल. त्यामुळे नव्याने येऊ घातलेल्या पेमेंट बँकांबाबत बागुलबुवा व भ्रमिष्टावस्था प्रस्थापित बँकांच्या प्रमुखांनी ताबडतोबीने झुगारून द्यावी, असे आवाहन आयसीआयसीआय बँकेच्या प्रमुख चंदा कोचर यांनी येथे केले.
आज या नवागत बँकांबाबत दिसणाऱ्या भीती व चिंतेचे वातावरण हे अनाठायी असल्याचे सांगत, ही स्थिती घातक वळणाकडे घेऊन जाणारी ठरेल, असा इशाराही त्यांनी भारतीय उद्योग महासंघ अर्थात सीआयआयद्वारे आयोजित एका परिसंवादात बोलताना दिला. तंत्रज्ञानाचा अवलंब करून बँकांना नव्या संधींना गाठता येईल, असा विश्वासही त्यांनी व्यक्त केला.
वस्तुत: देशातील सर्वात मोठी बँक असलेल्या भारतीय स्टेट बँकेच्या अध्यक्षा अरुंधती भट्टाचार्य यांनी रिझव्‍‌र्ह बँकेकडून पेमेंट बँक म्हणून कार्य करण्यास तत्त्वत: मंजुरी मिळविलेल्या ११ नव्या बँकांबाबत शंकास्पद सूर आळवला आहे. या बँकांना ठेवीही गोळा करता येणार असल्याने, ते वाणिज्य बँकांच्या तुलनेत व्याजाचे दर स्पर्धात्मक ठेवतील आणि त्यांचे ठेवीदारही पळवतील. या चढाओढीत कर्जाचे व्याजाचे दर खाली आणण्याच्या प्रयत्नांना खीळ बसेल, अशी शंका व्यक्त करणारी भट्टाचार्य यांनी ऑगस्टमध्ये प्रतिक्रिया दिली होती. चंदा कोचर यांनी त्यावर शरसंधान करतानाच वरील विधान केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 10, 2015 2:33 am

Web Title: new technology make changes in banking sector chanda kochar
Next Stories
1 भांडवली बाजारातील गुंतवणुकीची कुठलेच सरकार हमी देणार नाही
2 आठ महिन्यांत नवीन २७ लाख गुंतवणूकदारांची भर
3 मोदींच्या ‘सुवर्ण’ योजनेला सिद्धिविनायक मंदिराचा प्रतिसाद, ४० किलो सोने गुंतवणार
Just Now!
X