News Flash

‘सेन्सेक्स’ला फेरउभारी; ‘निफ्टी’ ८,६०० पार

गुरुवारच्या मोठय़ा आपटीनंतर सेन्सेक्सने सप्ताहअखेर काहीशा निर्देशांक वाढीने केली.

Sensex and Nifty : उत्तर प्रदेशसह भाजपला निवडणुकीत मिळालेल्या यशाचा हा परिणाम असल्याचे बोलले जात आहे. या निकालांमुळे सरकारची राज्यसभेतील स्थिती आणखी मजबूत होणार असून त्यामुळे सुधारणांच्या प्रक्रियेला गती मिळेल, अशी शक्यता आहे.

गुरुवारच्या मोठय़ा आपटीनंतर सेन्सेक्सने सप्ताहअखेर काहीशा निर्देशांक वाढीने केली. ३८.४३ अंश वाढीसह सेन्सेक्स २७,८६५.९६ वर पोहोचला, तर १९.९० अंश वाढीमुळे राष्ट्रीय शेअर बाजाराच्या निफ्टीला त्याचा ८,६०० स्तर पुन्हा गाठता आला. प्रमुख निर्देशांक दिवसअखेर ८,६११.१५ वर स्थिरावला.

सीमारेषेवरील लष्करी कारवाईमुळे भारत-पाकिस्तान देशांमध्ये तणाव निर्माण झाल्याची भीती व्यक्त सेन्सेक्सने गुरुवारी ४६५ अंश निर्देशांक आपटी नोंदविली होती. शुक्रवारच्या सत्रातील व्यवहार काहीसे दोलायमान राहिले. डॉलरच्या तुलनेत भक्कम होत असलेला रुपया त्याचबरोबर येत्या आठवडय़ात व्याजदरबाबत रिझव्‍‌र्ह बँकेची होत असलेली बैठक आदी भिन्न कारणे त्यासाठी राहिली.

तेल व वायू, पायाभूत सेवा, ऊर्जा, वाहन, सार्वजनिक उपक्रम, पोलाद आदी निर्देशांकांमध्ये मागणी नोंदली गेली. सेन्सेक्समधील निम्मे, १५ समभाग तेजीत तर तेवढेच घसरणीच्या यादीत राहिले. मुंबई निर्देशांकात महिंद्र अ‍ॅण्ड महिंद्र सर्वाधिक, ३.०६ टक्क्यांसह वाढला. मुंबई शेअर बाजारातील स्मॉल व मिड कॅप निर्देशांक अनुक्रमे २.१३ व १.९५ टक्क्यांनी वाढले. सप्ताहात मात्र सेन्सेक्स ८०२.२६ अंशांनी तर निफ्टी २२०.४० अंशांनी घसरला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 1, 2016 1:20 am

Web Title: nifty ends above 8600 falls 2 5 for week
Next Stories
1 सी.आर.आय. पंपचे सांडपाणी व्यवस्थापन क्षेत्रात पाऊल
2 पाणी व पर्यावरण रक्षण तंत्रज्ञानाचे ‘इफाट इंडिया’ आंतरराष्ट्रीय प्रदर्शन मुंबईत
3 एटीएमद्वारे सोन्याची नाणी आणि मुव्ही तिकीटांची खरेदी शक्य, कर्जसुद्धा मिळेल!
Just Now!
X