News Flash

एकत्रीकरणातून बँकांच्या पतक्षमता, नफाक्षमतेत वाढ – निर्मला सीतारामन

२०१७-१८ सरकारी बँकांच्या कर्जवसुलीचे प्रमाण ७७,५८३ कोटी रुपये होते.

विक्रमी कर्जवसुलीने बुडीत कर्जमात्रा घटून ७.९ लाख कोटींवर

नवी दिल्ली : सार्वजनिक क्षेत्रातील वेगवेगळ्या १० बँकांचे चार बँकांमध्ये एकत्रीकरण करणारा ‘महा-विलय कार्यक्रम’ अर्थमंत्री निर्मला सीतारामन शुक्रवारी पत्रकार परिषद घेऊन जाहीर केला. या एकत्रीकरण मोहिमेमुळे २०१७ साली सार्वजनिक क्षेत्रात असलेल्या २७ बँकांची संख्या आता केवळ १२ इतकी सीमित होणार आहे.

देशाने पाच लाख कोटी अमेरिकी डॉलरच्या अर्थव्यवस्थेचा स्तर गाठण्याचे उद्दिष्ट साकारण्यासाठी, देशाचे वित्तीय क्षेत्राची सशक्त पायाभरणी केली जाणे आवश्यक आहे. बँकांचे एकत्रीकरण हे त्या दिशेने पडलेले महत्वाचे पाऊल असल्याचे त्यांनी स्पष्ट केले. एकत्रीकरणाचे फायदे विशद करताना, बँकांची कर्ज वितरण क्षमता, नफा क्षमता वाढण्यासह, यातून एकूण पत गुणवत्ताही सुधारत असल्याचे त्यांनी आकडेवारीसह स्पष्ट केले.

गेली काही वर्षे सार्वजनिक क्षेत्रातील बँकांना ग्रासत असलेल्या बुडीत कर्जाच्या समस्येसंबंधाने आश्वासक सुधारणा दिसून येत आहे, असे सीतारामन यांनी आवर्जून नमूद केले. सरकारी बँकांच्या एकूण ठोकळ अनुत्पादित मालमत्ता (ग्रॉस एनपीए) डिसेंबर २०१८ अखेर ८.६५ लाख कोटी रुपये पातळीवरून, मार्च २०१९ अखेर ७.९ लाख कोटींवर आल्या आहेत. २०१८-१९ मध्ये बँकांकडून केल्या गेलेल्या १,२८,००० कोटी रुपयांच्या विक्रमी कर्जवसुलीचा हा परिणाम असल्याचे त्यांनी आवर्जून सांगितले. २०१७-१८ सरकारी बँकांच्या कर्जवसुलीचे प्रमाण ७७,५८३ कोटी रुपये होते.

बँकांच्या नफाक्षमतेत सुधारावर भाष्य करताना, सीतारामन म्हणाल्या गेल्या वर्षी सार्वजनिक क्षेत्रातील १८ पैकी केवळ ६ बँकांकडून नफा नोंदविला गेला होता. चालू आर्थिक वर्षांच्या पहिल्या तिमाहीत, म्हणजे एप्रिल -जून २०१९ मध्ये १८ पैकी १४ बँकांनी नफा नोंदविला आहे.

सार्वजनिक क्षेत्रात प्रस्तावित १२ सशक्त बँका

(एकूण व्यवसायाच्या क्रमाने) 

आकडे लाख कोटी रुपयांत

स्टेट बँक समूह                                                                       ५२.०५

पंजाब नॅशनल बँक                                                                 १७.९५

(ओरिएंटल बँक ऑफ कॉमर्स- युनायटेड बँक समावेशासह)

बँक ऑफ बडोदा                                                                     १६.१३

(विजया बँक-देना बँक विलिनीकरणानंतर)

कॅनरा बँक (सिंडिकेट बँक सामावल्यानंतर)                            १५.२०

युनियन बँक ऑफ इंडिया                                                       १४.५९

(आंध्र बँक, कॉर्पोरेशन बँक समावेशानंतर)

बँक ऑफ इंडिया                                                                     ९.०३

इंडियन बँक (अलाहाबाद बँक सामावल्यानंतर)                       ८.०७

सेंट्रल बँक ऑफ इंडिया                                                           ४.६८

इंडियन ओव्हरसीज बँक                                                         ३.७५

युको बँक                                                                                ३.१७

बँक ऑफ महाराष्ट्र                                                                 २.३४

पंजाब अँड सिंध बँक                                                                १.७१

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 31, 2019 4:10 am

Web Title: nirmala sitharaman announces banking reforms zws 70
Next Stories
1 अर्थसंकल्पानंतरचा दमदार निर्देशांक वाढीचा सप्ताह
2 बाजार-साप्ताहिकी : सावट मंदीचेच
3 ‘ईपीएफ’वर तीन वर्षांनंतर वाढीव ८.६५ टक्के व्याज लाभ
Just Now!
X