सिंगापूर एअरलाइन्सने आपल्या विमानांच्या ताफ्यातील बोइंग कंपनीच्या ७७७ विमानांची जागा एअरबसच्या अत्याधुनिक ए३५०कडून घेतली जात असल्याचे शुक्रवारी घोषित केले. याद्वारे मुंबईतील कंपनीच्या उड्डाणांसाठी प्रथमच ए३५० जातीचे विमान वापरात येणार आहे. सिंगापूर एअरलाइन्सच्या मुंबई-सिंगापूर शनिवारपासून सुरू होणाऱ्या हवाई प्रवासासाठी हे विमान प्रथमच वापरले जात आहे. १ जुलैपासून दररोज मुंबई-सिंगापूर अशा उड्डाण फेऱ्या सुरू होतील. २५३ आसनी या विमानात ४२ बिझनेस श्रेणीची आसनी आहेत, अशी माहिती सिंगापूर एअरलाइन्सचे भारतातील सर व्यवस्थापक डेव्हिड लिम यांनी शुक्रवारी मुंबईत पत्रकार परिषदेत दिली.