अमेरिकेतील सुमारे २,६०० कोटी डॉलरचा अॅल्युमिनिअम उत्पादन समूह असलेल्या अल्कोआ कंपनीचे स्वतंत्र संचालक म्हणून टाटा सन्सचे मानद अध्यक्ष रतन टाटा यांना एक कोटी रुपयांचे मानधन मिळाले आहे. २००७ पासून स्वतंत्र संचालक असलेल्या ७५ वर्षीय टाटा यांना मिळालेले हे मानधन २०१२ साठीचे असल्याचे कंपनीने न्यूयॉर्क शेअर बाजाराला कळविले आहे. एप्रिलच्या सुरुवातीलाच टाटा यांनी अल्कोआ कंपनीचे नवे समभाग खरेदी करत त्यांचे एकूण मूल्य १.५ कोटी रुपयांच्या पुढे नेले होते. २,५०० समभागांच्या खरेदीद्वारे त्यांचे एकूण समभाग सध्या ३६,३०९ हून अधिक आहेत. विविध ३० देशांमध्ये कार्यक्षेत्र असलेल्या अल्कोआमध्ये ६१,००० कर्मचारी असून जगातील सर्वात मोठी बॉक्साईट आणि अॅल्युमिनिअम उत्पादक कंपनी आहे.फायदे सांगणारे हे अभियान राबविले जाईल.क्रिकेट अटॅक्सचा नवीन हंगाम दाखल