26 September 2020

News Flash

अर्थव्यवस्थेला गतिमानता केवळ भारतातच

सुमारे २.५ लाख कोटी डॉलरसह भारत ही सध्या जगातील सहावी मोठी अर्थव्यवस्था आहे.

| February 22, 2019 04:04 am

पंतप्रधान नरेंद्र मोदी यांचे प्रतिपादन

सेऊल : भारतीय अर्थव्यवस्थेचा पाया भक्कम असून त्याच जोरावर नजीकच्या भविष्यात देशाची अर्थव्यवस्था पाच लाख कोटी डॉलरच्या घरात पोहोचेल, असा विश्वास पंतप्रधान नरेंद्र मोदी यांनी येथे व्यक्त केला. वार्षिक सात टक्क्यांहून अधिक विकास दर गाठणारा जगातील भारत हा एकमेव देश असल्याचे प्रतिपादनही त्यांनी केले.

सुमारे २.५ लाख कोटी डॉलरसह भारत ही सध्या जगातील सहावी मोठी अर्थव्यवस्था आहे. दक्षिण कोरिया दौऱ्यावर असलेल्या पंतप्रधानांनी गुरुवारी काही व्यावसायिक, उद्योगपतींची भेट घेतली. हय़ुंदाई, सॅमसंग, एलजी इलेक्ट्रॉनिकसारख्या ६०० हून अधिक कोरियाई कंपन्या भारतात व्यवसाय करीत असल्याचा उल्लेख करीत आणखी काही कंपन्या उत्सुक असल्याचे ते म्हणाले. या नवीन कंपन्यांपैकी काही या गुंतवणूक ताफ्यात सहभागी झाल्याचेही त्यांनी सांगितले. व्हिसा तसेच व्यवसायाबाबत भारताचे धोरण शिथिल राहिल्याचेही पंतप्रधानांनी सांगितले. या जोरावरच देशात गेल्या चार वर्षांत २५० अब्ज डॉलरची थेट विदेशी गुंतवणूक झाल्याचे त्यांनी नमूद केले. अप्रत्यक्ष कर सुधारणेमुळे सुलभ व्यवसायाबाबत देशाचे स्थान जागतिक क्रमवारीत ७७ व्या स्थानापर्यंत उंचावल्याचा उल्लेखही त्यांनी या वेळी केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 22, 2019 4:04 am

Web Title: pm narendra modi statement on growth of indian economy
Next Stories
1 विलीनीकरणानंतरही ‘आरईसी’ सरकारी मालकीचीच – ऊर्जा मंत्रालय 
2 अनिल अंबानी यांचा आणखी एक व्यवसाय विक्रीला
3 व्यवसाय कर विवरणपत्रे : आता केवळ दोनशे रुपये विलंब शुल्क
Just Now!
X