डिसेंबरपासून करवजावटीसाठी गुंतवणुकीचे पर्याय शोधण्यासाठी विशेषत: पगारदार वर्गाची सुरू होणारी घाई-गडबड पाहता, अनेक म्युच्युअल फंड हाऊसेसच्या नव्या योजना येत्या काळात दाखल होऊ घातल्या आहेत. विशेषत: पहिल्यांदाच गुंतवणूक करणाऱ्या छोटय़ा गुंतवणूकदारांना आकर्षिण्यासाठी संकल्पिलेल्या ‘राजीव गांधी इक्विटी सेव्हिंग्ज स्कीम (आरजीईएसएस)’वर बेतलेल्या योजना आणण्यासाठी ‘सेबी’कडे दोन प्रस्ताव दाखल झाले आहेत.बिर्ला सन लाइफ आणि सुंदरम म्युच्युअल फंड या दोन फंड हाऊसेसकडून ‘आरजीईएसएस’वर बेतलेली कर-वजावटीची योजना बाजारात आणण्यासाठी ‘सेबी’कडे अर्ज सादर झाले आहेत. नजीकच्या काळात अन्य फंड हाऊसेसही या धर्तीच्या योजनांसाठी ‘सेबी’कडे अर्ज घेऊन जाणे अपेक्षित आहे. कोणतीही नवीन योजना बाजारात आणण्याआधी ‘सेबी’कडे त्या संबंधाने मसुदा प्रस्ताव सादर करणे बंधनकारक असून, असा अर्ज दाखल झाल्यावर साधारणपणे तीन ते चार आठवडय़ांत प्रत्यक्षात योजनेची खुली विक्री सुरू केली जाते.सध्याच्या घडीला ‘आरजीईएसएस’अंतर्गत कर-वजावटीचा लाभ देणाऱ्या २० म्युच्युअल फंड योजना सुरू आहेत. परंतु सध्या शेअर बाजाराचा उच्चांकी बहर पाहता मार्च २०१४ पर्यंत आणखी अनेक योजना बाजारात येण्याची शक्यता विश्लेषक वर्तवीत आहेत. ‘आरजीईएसएस’अंतर्गत वार्षिक १० लाख रुपयांपर्यंत उत्पन्न असणाऱ्या करदात्यांना पहिल्यांदाच शेअर बाजारात होणाऱ्या कमाल ५० हजार रुपये गुंतवणुकीवर थेट २५ हजार रुपये इतकी कर-वजावट मिळविता येईल.‘एनटीपीसी’चे करमुक्त रोखे ३ डिसेंबरपासून विक्रीस खुलेदेशातील सर्वात मोठी वीजनिर्मिती कंपनी एनटीपीसी लिमिटेडने करमुक्त रोख्यांद्वारे १,७५० कोटी रुपये उभे करण्याचे प्रस्तावित करीत येत्या ३ डिसेंबरपासून करमुक्त सुरक्षित विक्रीयोग्य परिवर्तनीय रोख्यांची खुली विक्री योजली आहे. गुंतवणूकदारांना प्राप्तिकर वजावटीचा लाभ देणारे हे रोखे विक्रीपश्चात नियमित खरेदी-विक्री व्यवहारांसाठी मुंबई तसेच राष्ट्रीय शेअर बाजारात सूचिबद्ध केले जाणार आहेत. ही रोखेविक्री १६ डिसेंबर २०१३ पर्यंत सुरू राहील अथवा भरणा पूर्ण झाल्यास त्याआधीच संपुष्टात येईल. कंपनीच्या विद्यमान प्रकल्पांसाठी आवश्यक भांडवलाची तसेच कर्ज आवश्यकतेच्या पूर्ततेसाठी या रोख्यातून उभा राहणारा निधी वापरात येणार आहे. आयसीआयसीआय सिक्युरीटीज, ए. के. कॅपिटल सव्र्हिसेस, अॅक्सिस कॅपिटल, एसबीआय कॅपिटल मार्केट्स आणि कोटक महिंद्र कॅपिटल कंपनी यांना हे या रोखेविक्रीचे प्रधान व्यवस्थापक म्हणून काम पाहत आहेत.
