डॉलरच्या तुलनेत गेल्या काही सत्रांपासून घसरत जाणाऱ्या रुपयाने आता ६७ नजीकचा स्तर गाठला आहे. परकी विनिमय चलन मंचावर रुपया बुधवारी १० पैशांनी घसरत ६६.९७ पर्यंत खाली आला. स्थानिक चलनाने ६७ नजीकचा तळ हा गेल्या दोन महिन्यांनंतर गाठला आहे.
यापूर्वी रुपयाची ६७ ची पातळी ही १६ मार्च रोजी नोंदली गेली होती. चलनाचा बुधवारचा प्रवास सकाळच्या व्यवहारात ६६.९५ या किमान स्तरावरच सुरू झाला. व्यवहारात तो ६७ ला स्पर्श करताही झाला. गेल्या पाच व्यवहारातील चलनातील आपटी ही ४१ पैशांची राहिली आहे.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on May 19, 2016 7:46 am
Web Title: rupee breaches 67 mark against us dollar
