देशभरातील विविध ३५ बँकेतील कर्मचाऱ्यांना १५ टक्के वेतनवाढीबाबतचा तिढा बुधवारी संपुष्टात आला. याबाबत गेल्या अनेक वर्षांपासूनची बँक कर्मचाऱ्यांची मागणी बँक व्यवस्थापन व कर्मचारी, अधिकारी संघटना यांच्या दरम्यानच्या कराराद्वारे पूर्ण झाली. यूनायटेड फोरम ऑफ बँक यूनियन व बँक व्यवस्थापकांची संघटना असलेल्या इंडियन बँक्स असोसिएशन यांच्या दरम्यान बुधवारी उशिरा करार झाला. यानुसार २०१७ पासूनची प्रलंबित वेतनवाढ मान्य करण्यात आली. ही वाढ १५ टक्के असेल व नोव्हेंबर २०१७ पासून ती मिळेल. याचा लाभ विविध ३५ बँकेच्या कर्मचारी, अधिकाऱ्य़ांना होणार आहे.
