भांडवली बाजाराच्या प्रमुख निर्देशांकांनी मंगळवारी सलग पाचवी घसरण नोंदविली असली तरी मुंबई शेअर बाजार दफ्तरी औषधनिर्माण कंपन्यांच्या सूचिबद्ध समभागांमध्ये कमालीचा मूल्य वाढ दिसून आली. एकत्रिकरण होणाऱ्या सन फार्मा आणि रॅनबॅक्सीला भारतीय नियामकांकडून हिरवा कंदील मिळाल्याने सनचा समभाग २.५ तर रेनबॅक्सीचा समभाग २.८ टक्क्यांनी वाढला. भारतात हेपाटायटिस सी औषध सादर करण्याच्या डॉ. रेड्डीज्च्या घोषणेमुळे कंपनी समभाग २ टक्क्यांनी उंचावला. तर मुंबईस्थित आरती ड्रग्जच्या तारापूर येथील दोन प्रकल्पांना अमेरिकेच्या अन्न व औषध प्रशासनाचा आयात इशारा मिळाल्याने कंपनीचा समभाग मात्र ५ टक्क्यांनी आपटला.