News Flash

टाटांचे ‘अनोखे’ डिजिटल इंडिया..

सप्ताहाची अखेर करताना सेन्सेक्स पुन्हा २८ हजारांवर स्वार झाला. निवडक क्षेत्रातील समभागांना आलेल्या मागणीने शुक्रवारी १४६.९९ अंश भर पडून निर्देशांक २८,०९२.७९ वर पोहोचला

| July 4, 2015 06:44 am

सामाजिक दातृत्वाचा लौकिक असलेल्या टाटा ट्रस्टने ग्रामीण भागातील महिलांमध्ये इंटरनेटचा प्रसार करण्याचे शिवधनुष्य उचलले असून, त्याला माहिती महाजालातील आघाडीच्या गुगलने साथ दिली आहे. या उपक्रमाचा शुभारंभ शुक्रवारी मुंबईत टाटा ट्रस्टचे अध्यक्ष रतन टाटा यांच्या हस्ते झाला. या वेळी गुगल इंडियाचे व्यवस्थापकीय संचालक राजन आनंदन हेही उपस्थित होते.
या अंतर्गत ग्रामीण भागात पोहोचण्यासाठी सायकलसारखे माध्यम निवडण्यात आले असून त्यावर इंटरनेट उपलब्धतेची सर्व सुविधा समाविष्ट करण्यात आली आहे. अशा १,००० सायकल ‘इंटरनेट साथी’ या गुगलने प्रशिक्षित केलेल्या सहकाऱ्यासह येत्या दीड वर्षांत ४,५०० खेडय़ांमध्ये पाच लाख महिलांना इंटरनेट साक्षर करतील.
दोनच दिवसांपूर्वी पंतप्रधान मोदी यांनी शुभारंभ केलेल्या डिजिटल इंडिया उपक्रमांतर्गत देशात ४.५ लाख कोटी रुपयांची गुंतवणूक व १८ लाख रोजगार निर्मितीचे लक्ष्य जारी करण्यात आले होते.
इंटरनेट वापरणाऱ्या शहरी भागातील महिलांचे प्रमाण ५० टक्के असताना ग्रामीण भागात मात्र ते अवघे १२ टक्के आहे. नव्या उपक्रमाची सुरुवात गुजरात, राजस्थान, झारखंड या राज्यांपासून करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 4, 2015 6:44 am

Web Title: tatas unique digital india
Next Stories
1 नाणेनिधी, युरोपीय समुदायाचे ग्रीसला धोक्याचे इशारे
2 देशाची अर्थव्यवस्था २ लाख कोटी डॉलरहून मोठी
3 काळा पैसा
Just Now!
X