News Flash

स्मार्टफोनची बाजारपेठ मंदावली

एप्रिल-जून २०२१ तिमाहीदरम्यान भारतात ३.२४ कोटी स्मार्टफोनची आयात झाली. मात्र वार्षिक तुलनेत त्यात थेट १३ टक्के घसरण झाली आहे.

पीटीआय, नवी दिल्ली

करोनाच्या दुसऱ्या लाटेने ग्राहकांच्या क्रयशक्तीवर विपरीत परिणाम झाला असून चालू आर्थिक वर्षांच्या पहिल्याच तिमाहीत देशातील स्मार्टफोनची विक्री कमालीची मंदावली आहे.

एप्रिल-जून २०२१ तिमाहीदरम्यान भारतात ३.२४ कोटी स्मार्टफोनची आयात झाली. मात्र वार्षिक तुलनेत त्यात थेट १३ टक्के घसरण झाली आहे. ‘कॅनेलिस’ने केलेल्या एका सर्वेक्षणानुसार, दुसऱ्या लाटेने डोके वर काढल्याने ग्राहकांकडून स्मार्टफोनच्या मागणीत घसरण नोंदली गेली. वर्षभरापूर्वी एप्रिल व मेमध्ये कडक टाळेबंदी असूनही मागणीत ८७ टक्के वाढ नोंदली गेली होती, असे ‘कॅनेलिस’चे विश्लेषक सन्यम चौरसिया यांनी म्हटले आहे.

देशात स्मार्टफोनच्या पसंतीमध्ये शाओमीचे अव्वल स्थान यंदाही कायम आहे. ९५ लाख स्मार्टफोन विक्रीसह या कंपनीने २९ टक्के बाजारहिस्सा राखला आहे. तर सॅमसंग दुसऱ्या क्रमांकावर आहे. तिमाहीत  ५५ लाख स्मार्टफोन विक्रीसह तिचा बाजारहिस्सा १७ टक्के आहे.

रिअलमीने (तिसऱ्या स्थानावर) यंदा एका क्रमाने आघाडी घेत स्पर्धक ओप्पोला चौथ्या क्रमांकावर ढकलले आहे. १५ टक्के बाजारहिस्सा असलेल्या रिअलमीचे ४९ लाख फोन तिमाहीत विकले गेले. तर १२ टक्के बाजारहिश्श्यासह ओप्पोने ३८ लाख स्मार्टफोनची विक्री जून  तिमाहीत केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 23, 2021 3:15 am

Web Title: the smartphone market slowed down ssh 93
Next Stories
1 ‘अ‍ॅमेझॉन’ला कारणे दाखवा नोटीस
2 ई-पेठेतील खरेदीवर सूट-सवलती हव्याच!
3 भारत पेट्रोलियमच्या खासगीकरणातून पेट्रोनेट, इंद्रप्रस्थ गॅसच्या मालकीतही फेरबदल अटळ
Just Now!
X