01 October 2020

News Flash

…तर व्होडाफोन, आयडिया व्यवसाय गुंडाळेल, बिर्ला यांचं मोठं विधान

सर्वोच्च न्यायालयाच्या आदेशानंतर व्होडाफोन आयडीयाला पूर्वलक्ष्यी प्रभावाने कर सरकारकडे जमा करावा लागणार आहे.

मागच्या काही काळापासून रिलायन्स जिओ वगळता मोबाइल दूरसंचार क्षेत्रातील आघाडीच्या अन्य कंपन्या नुकसानीचा सामना करत आहेत. ग्राहकांना स्वस्तात सेवा देण्याच्या स्पर्धेमुळे दूरसंचार क्षेत्र आज संकटात आहे. या पार्श्वभूमीवर व्होडाफोन आयडियाचे प्रमुख कुमार मंगलम बिर्ला यांनी मोठं विधान केलं आहे.

सर्वोच्च न्यायालयाच्या आदेशानंतर व्होडाफोन आयडीयाला पूर्वलक्ष्यी प्रभावाने कर सरकारकडे जमा करावा लागणार आहे. यामध्ये सरकारकडून दिलासा मिळाला नाही तर, व्होडाफोन आयडीयाला व्यवसाय बंद करण्याशिवाय पर्याय राहणार नाही असे चेअरमन कुमार मंगलम बिर्ला यांनी म्हटले आहे.

व्होडाफोन आयडीया मोबाइल दूरसंचार सेवा क्षेत्रातील भारतातील आघाडीची कंपनी आहे. “जर आम्हाला मदत मिळाली नाही तर, व्होडाफोन आयडियाला व्यवसाय गुंडाळावा लागेल” असे कुमार मंगलम बिर्ला हिंदुस्थान टाइम्सच्या कार्यक्रमात म्हणाले.

५३,०३८ कोटी रुपयाची देणी सरकारकडे जमा करायची आहेत. त्यावर केंद्र सरकारकडून अद्यापपर्यंत व्होडाफोन आयडियाला कोणाताही दिलासा मिळालेला नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 6, 2019 6:57 pm

Web Title: vodafone idea will shut shop if there is no government relief km birla dmp 82
Next Stories
1 रिझव्‍‌र्ह बँकेकडून अपेक्षित दर कपात नाहीच
2 रिझव्‍‌र्ह बँकेच्या पवित्र्याच्या धसक्याने निर्देशांकात घसरण
3 स्थावर मालमत्ता क्षेत्राची निराशा
Just Now!
X