‘लॉटरी तिकिटविक्रीच्या नफ्यातून जीएसटी वसुली’

‘ऑल इंडिया फेडरेशन ऑफ ट्रेड अँड अलाइड इंडस्ट्रीज’ची मागणी

world bank, gst, growth rate
वस्तू आणि सेवा कर ( संग्रहीत प्रतिकात्मक छायाचित्र )

‘ऑल इंडिया फेडरेशन ऑफ ट्रेड अँड अलाइड इंडस्ट्रीज’ची मागणी

येत्या १ जुलैपासून संपूर्ण देशात जीएसटी प्रणाली लागू होत आहे; त्याप्रमाणे लॉटरी तिकिटावरही २८ टक्के कर लावला जाणार आहे. यामुळे लॉटरी व्यवसायावर विपरीत परिणाम होण्याची शक्यता आहे. त्यामुळे या व्यवसायाला वाचवण्यासाठी जीएसटी तिकिटांच्या दर्शनी मूल्यावर न लावता तो लॉटरी तिकिटाच्या विक्रीतून झालेल्या नफ्यावर लावण्यात यावा, अशी मागणी ‘ऑल इंडिया फेडरेशन ऑफ ट्रेड अँड अलाइड इंडस्ट्रीज’च्या वतीने करण्यात आली आहे.

मुंबई मराठी पत्रकार संघात झालेल्या पत्रकार परिषदेत ‘ऑल इंडिया फेडरेशन ऑफ ट्रेड अँड अलाइड  इंडस्ट्रीज’चे पदाधिकारी उपस्थित होते. राज्यातील अधिकृत लॉटरी व्यवसायाची उलाढाल २०,००० कोटी रुपयांची आहे. या व्यवसायावर जवळजवळ २५ लाख व्यक्तींचा उदरनिर्वाह चालत असल्याचे ते म्हणाले. जीएसटी तिकिटांच्या दर्शनी मूल्यावर न लावता तो जीएसटी लॉटरी तिकिटाच्या विक्रीतून झालेल्या नफ्यावर लावावा. लॉटरी तिकिटाच्या विक्री नफ्यावर २८ टक्के जीएसटी लावल्यास महाराष्ट्र राज्याच्या महसुलात प्रतिवर्ष ३५० ते ४०० कोटी रुपयांची भर पडेल. लॉटरी तिकिटांच्या विक्रीतून झालेल्या नफ्यावर जीएसटी लावल्यास जीएसटीचा प्रत्यक्षरीत्या परिणाम ग्राहकांवर होणार नसल्याचे ‘ऑल इंडिया फेडरेशन ऑफ ट्रेड अँड अलाइड इंडस्ट्रीज’च्या पदाधिकाऱ्यांनी सांगितले.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: All india federation of lottery trade and allied industries on gst

ताज्या बातम्या