अर्थसंकल्पाचे वाचन करताना केंद्रीय अर्थमंत्री निर्मला सीतारामन यांनी युवकांसाठी सरकारी नोकऱ्यांसदर्भात महत्वपूर्ण घोषणा केली आहे. नॉन गॅझेटेड म्हणजे तृतीय आणि चतुर्थ श्रेणीच्या सरकारी पदांसाठी यापुढे एकच परीक्षा द्यावी लागेल असे सीतारामन यांनी जाहीर केले आहे. सरकारने राष्ट्रीय भरती संस्था स्थापन करण्याचा निर्णय घेतला आहे. नॉन गॅझेटेड सरकारी पदांच्या भरतीसाठी एक कॉमन ऑनलाइन पात्रता परीक्षा घेण्याची जबाबदारी या राष्ट्रीय भरती संस्थेवर असेल अशी माहिती निर्मला सीतारामन यांनी दिली. सध्या युवकांना वेगवेगळया सरकारी पदांसाठी विविध परीक्षा द्यावा लागतात. त्यासाठी त्यांचा बराच वेळ आणि पैसा खर्च होतो. विद्यार्थ्यांची त्यातून सुटका करण्यासाठी हा निर्णय घेतल्याची माहिती सीतारामन यांनी दिली. ही ऑनलाइन परीक्षा घेण्यासाठी प्रत्येक जिल्ह्यामध्ये एक परीक्षा केंद्र सुरु करण्याची सरकारची योजना असल्याचे त्यांनी सांगितले. आणखी वाचा - Budget 2020: २०२३ मध्ये मुंबई-दिल्ली प्रवास होणार फक्त १२ तासांचा शिक्षण क्षेत्रासाठी 99 हजार 300 कोटींची तरतूद करण्यात आली आहे. शिक्षण क्षेत्रात विदेशी गुंतवणुकीला मंजुरी देण्यात आली आहे. स्कील डेव्हलपमेंटवर 3 हजार कोटी खर्च करणार असल्याचंही निर्मला सीतारामन यांनी सांगितलं.
