एक लाख कोटी रुपयांच्या भांडवली मूल्याच्या प्रतिष्ठित क्लबमध्ये डी मार्ट या रिटेल स्टोअर्सची पालक कंपनी अॅव्हेन्यू सुपरमार्केट हिचा समावेश झाला आहे. या कंपनीच्या शेअरने 1,608 रुपये इतकी उच्चांकी पातळी गाठली आहे. त्यामुळे डि मार्टचं भांडवली बाजारातील मूल्य आज 1,00,171.80 कोटी रुपये इतकं झालं. गेल्या तीन आठवड्यामध्ये या शेअरने 20 टक्के वाढ अनुभवली आहे. विशेष म्हणजे मार्च 2017 मध्ये म्हणजे अवघ्या सव्वा वर्षांपूर्वी शेअर बाजारात ही कंपनी दाखल झाली त्यावेळी हा शेअर केवळ 299 रुपयांना उपलब्ध होता. विशेष म्हणजे ज्या दिवशी हा शेअर बाजारात दाखल झाला त्याच दिवशी तो 100 टक्क्यांनी वधारून 615 रुपये प्रति शेअर इतका महागला होता.

किमान किती शेअर्स कंपनीच्या प्रवर्तकांखेरीज जनतेकडे असावेत या संदर्भातल्या नियमांचं पालन करण्यासाठी गेल्या आठवड्यामध्ये अॅव्हेन्यू सुपरमार्केटचे प्रवर्तक राधाकिशन दमानी यांनी 62 लाख शेअर्स किंवा एक टक्के हिस्सा विकला होता. त्यानंतर डिमार्टच्या शेअरनं पुन्हा उचल खाल्ली आहे. “दमदार वाढ आणि चांगला नफा ही डि मार्टची वैशिष्ट्ये आहेत. डि मार्ट दुकानांच्या संख्येतही वाढ करत असून त्यामुळे कंपनीचा नफा वाढणार आहे. त्यामुळे येत्या काळात डि मार्टचा शेअरही चढा राहील,” असे मत एका विश्लेषकानं व्यक्त केलं आहे.

Mephedrone Pimpri-Chinchwad
पिंपरी-चिंचवडमध्ये आढळले दोन कोटी रुपयांचे मेफेड्रोन, आरोपीला अटक
Drug trafficker Shirazi case
अमली पदार्थ तस्कर शिराझी प्रकरण : साडेपाच कोटींच्या मालमत्तेवर ईडीची टाच
Inspiring story of Mumbai's varun sawant who is autistic chef and ultra marathoner
गोष्ट असामान्यांची Video: ऑटिस्टक शेफ आणि अल्ट्रा मॅरेथॅानर वरुण सावंतचा प्रेरणादायी प्रवास
nilesh rane paid 25 lakhs to pune municipal corporation to settle the tax dues
पुणे: निलेश राणे यांच्यासाठी महापालिकेच्या पायघड्या; अवघे २५ लाख भरल्यानंतर मिळकतकराची थकबाकी शून्य

मार्चमध्ये संपलेल्या तिमाहीत डी मार्टनं 167 कोटी रुपयांचा निव्वळ नफा नोंदवला होता. एका वर्षांपूर्वीच्या तुलनेत ही 73 टक्क्यांची वाढ आहे. तर एकूण उत्पन्न या तिमाहीत गेल्या वर्षींच्या तुलनेत 22.5 टक्क्यांनी वाढून 3,810 कोटी रुपये झाले आहे. 2017-18 या आर्थिक वर्षात डि मार्टनं 24 आउटलेट्स वाढवली आहे. आउटलेट्सची संख्या वाढवणं हे आमचं उद्दिष्ट असल्याचे कंपनीच्या अधिकाऱ्यांनी सांगितलं आहे.

ब्लुमबर्गच्या सांगण्यानुसार डि मार्टच्या शेअरवर लक्ष ठेवून असलेल्या 15 दलालांपैकी पाच जणांनी शेअर विकत घेण्याचा, आठ जणांनी विकण्याचा तर दोघांनी आहेत ते शेअर बाळगण्याचा सल्ला दिला आहे.