‘महिंद्र’च्या किरकोळ विक्री व्यवसायाचा विस्तार

कंपनीची उत्पादने भारतात सादर करण्याच्या घोषणेसह किरकोळ विक्री क्षेत्रात विस्तार केला आहे.

 

वाहन, माहिती तंत्रज्ञान आदी क्षेत्रात कार्यरत आघाडीच्या महिंद्र समूहाने लहान मुलांच्या कपडे निर्मितीतील अमेरिकेच्या कंपनीची उत्पादने भारतात सादर करण्याच्या घोषणेसह किरकोळ विक्री क्षेत्रात विस्तार केला आहे.

‘कार्टर्स टू बेबीओये’ या अमेरिकेतील लहान मुलांचे तयार कपडे महिंद्र रिटेलच्या माध्यमातून भारतातील विविध शहरांमधील ४० दालनांमधून तसेच बेबीओये.कॉम संकेतस्थळावर उपलब्ध होईल, अशी घोषणा कंपनीचे मुख्य कार्यकारी अधिकारी प्रकाश वाकणकर (छायाचित्रात मध्यभागी) यांनी बुधवारी दिली. मुंबईत झालेल्या या कार्यक्रमाप्रसंगी अध्यक्ष झुबेन भिवंडीवाला, अमेरिकेच्या दूतावासातील अधिकारी दियाना आबदिन, अभिनेत्री मंदिरा बेदी, कार्टर्सचे कार्यकारी उपाध्यक्ष केव्हिन कॉनिर्ंग आदी उपस्थित होते.

याचबरोबर महिंद्र समूहाने तिच्या महिंद्र हॉलिडेज अ‍ॅन्ड रिसॉर्ट्स इंडियाच्या माध्यमातून फिनलॅन्डस्थित सायमा गार्डन्स एरेने ओये या आदरातिथ्य क्षेत्रातील सेवा कंपनीचे अधिग्रहणही केले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Expansion of business in retail sales by mahindrac

Next Story
‘कन्साइ नेरॉलॅक’ला सणांच्या हंगामात मागणीतील दुप्पट वाढ अपेक्षित
ताज्या बातम्या