सुब्रतो रॉय ११ जुलैपर्यंत कारागृहाबाहेर

रॉय यांना गेल्याच आठवडय़ात चार आठवडय़ांकरिता पॅरोल मंजूर झाला होता.

आईच्या अंत्यविधीसाठी तुरुंगापासून मिळालेली महिन्याभराची सुटका सहाराप्रमुख सुब्रतो रॉय यांच्यासाठी विस्तारली आहे. रॉय यांना येत्या ११ जुलैपर्यंतचा पॅरोल सर्वोच्च न्यायालयाने मंजूर केला आहे. तसेच या कालावधीत सेबीला द्यावयाच्या २०० कोटी रुपयांची तजवीजही रॉय यांना करायची आहे.
मार्च २०१४ पासून नवी दिल्लीच्या तिहार तुरुंगात असलेल्या रॉय यांना गेल्याच आठवडय़ात चार आठवडय़ांकरिता पॅरोल मंजूर झाला होता. त्यांना आता सेबीकडे भरावयाचे २०० कोटी रुपये उभे करता यावे याकरिता तो आता आणखी महिन्याभरासाठी विस्तारण्यात आला आहे. न्या. टी. एस. ठाकूर यांच्या खंडपीठाने रॉय यांना निधी उभारणीसाठी संधी दिली गेली पाहिजे, असे नमूद करत पॅरोल मंजूर केला. त्यांच्याबरोबर समूहाचे अशोक रॉय चौधरी यांनाही ही मुभा दिली गेली आहे.
रॉय यांच्या आई छाबी रॉय यांचे गेल्या गुरुवारी लखनऊ येथील निवासस्थानी वयाच्या ९५ व्या वर्षी दीर्घ आजाराने निधन झाले होते. आईच्या अंत्यसंस्कारासाठी रॉय यांनी मागितलेल्या परवानगीला सर्वोच्च न्यायालयाने शुक्रवारी मान्यता दिली होती. मात्र रॉय यांना पॅरोल कालावधीत पोलिसांचे संरक्षण कायम राहणार आहे. ११ जुलैपर्यंत रॉय यांनी सेबीकडे २०० कोटी रुपये जमा न केल्यास त्यांना पुन्हा तुरुंगात जावे लागेल, असेही न्यायालयाने स्पष्ट केले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sc extends sahara chief subrata roys parole till 11 july

Next Story
‘कन्साइ नेरॉलॅक’ला सणांच्या हंगामात मागणीतील दुप्पट वाढ अपेक्षित
ताज्या बातम्या