सेन्सेक्समध्ये सलग दुसरी वाढ

शेअर बाजाराच्या प्रमुख निर्देशांकांनी सकारात्मकता दाखवून शुक्रवारच्या मोठय़ा तेजीत भर घातली.

संग्रहित छायाचित्र

सोमवारी सप्ताहरंभी शेअर बाजाराच्या प्रमुख निर्देशांकांनी सकारात्मकता दाखवून शुक्रवारच्या मोठय़ा तेजीत भर घातली. तरी प्रारंभिक सत्रात घेतलेली जवळपास २०० अंशांची मुसंडी सेन्सेक्सला टिकवता आली नाही आणि अवघ्या ५०.२९ अंशांच्या वाढीसह २४,४८५.९५ वर तो स्थिरावला. शेवटच्या टप्प्यात सुरू झालेल्या विक्रीने निफ्टीही ७,४५० पातळीखाली अवघ्या १३.७० अंश वाढीसह दिवसअखेर ७४३६.१५ या पातळीवर विसावला.
जागतिक स्तरावर युरोप आणि जपान या देशांकडून त्यांच्या अर्थगतीला चालना देण्यासाठी अर्थउभारीचे उपाय योजले जातील, या आशेने आशियाई बाजारांत दमदार तेजीचे वातावरण दिसून आले. ते पाहता स्थानिक बाजारातही निर्देशांकांनी मोठय़ा फरकाने वाढ नोंदवीत दिवसाची सुरूवात केली होती. भांडवली बाजाराप्रमाणे चलन बाजारात रुपयाही सत्राची शेवटी कच खात प्रति डॉलर २० पैशांनी घसरला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex increase in the second day row

Next Story
ओंकार स्पेशिअ‍ॅलिटीचा चिपळूणमध्ये नवा प्रकल्प
ताज्या बातम्या