‘सेन्सेक्स’च्या मुसंडीला चाप

भांडवली बाजारातील प्रमुख निर्देशांकांनी शुक्रवारी पुन्हा एकदा सर्वोच्च ऐतिहासिक पातळीला स्पर्श केला.

मुंबई : भांडवली बाजारातील प्रमुख निर्देशांकांनी शुक्रवारी पुन्हा एकदा सर्वोच्च ऐतिहासिक पातळीला स्पर्श केला. मात्र ही उसळी दुपारच्या सत्रात झालेल्या नफावसुलीमुळे अल्पजीवी ठरली. परिणामी सेन्सेक्स आणि निफ्टीला घसरणीचे ग्रहण लागले.

सेन्सेक्समध्ये सर्वाधिक योगदान असणारा रिलायन्सचा समभाग आणि माहिती तंत्रज्ञान व धातू कंपन्यांच्या समभागांमध्ये झालेल्या नफावसुलीमुळे सेन्सेक्सने त्याच्या ऐतिहासिक उच्चांकी पातळीपासून घसरत नकारात्मक पातळीत प्रवेश केला. सेन्सेक्स सकाळच्या सत्रात ६०० अंशांनी वधारला होता. मात्र दिवसअखेर १२५.२७ अंशांच्या घसरणीसह तो ५९,०१५.८९ पातळीवर बंद झाला. सेन्सेक्सने शुक्रवारी दिवसभरात ५९,७३७.३२ अंशांच्या सर्वोच्च पातळीला स्पर्श केला. तर राष्ट्रीय शेअर बाजाराचा निर्देशांक निफ्टी ४४.३५ अंश गमावत १७,५८५.१५ पातळीवर स्थिरावला. निफ्टीने देखील सकाळच्या सत्रात आलेल्या तेजीमुळे १७,७९२.९५ अंशांची सर्वोच्च पातळी गाठली होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex nifty share market ssh