तेजी परतली ; वाहन, धातू समभागांमुळे निर्देशांकांना बळकटी

सकारात्मक सुरुवात झाल्यांनतर मंगळवारी दुपारच्या सत्रात बाजारात किंचित वरच्या पातळीवरून घसरण दिसून आली.

मुंबई : दुसऱ्या तिमाहीतील कंपन्यांची समाधानकारक कामगिरी व सकारात्मक जागतिक संकेतामुळे भांडवली बाजार सलग दुसऱ्या दिवशी वाढ साधण्यास यशस्वी ठरला. सेन्सेक्समध्ये सर्वाधिक योगदान असणाऱ्या रिलायन्स इंडस्ट्रीजच्या मूल्यवाढीसह, वाहन उद्योग व धातू क्षेत्रातील समभागांना आलेली मागणी  निर्देशांकांना बळ देणारी ठरली.

सकारात्मक सुरुवात झाल्यांनतर मंगळवारी दुपारच्या सत्रात बाजारात किंचित वरच्या पातळीवरून घसरण दिसून आली. मात्र तेजीवाल्यांना पुन्हा जोर लावत घसरणीला सावरून घेतले. दिवसअखेर मुंबई शेअर बाजाराचा निर्देशांक – सेन्सेक्स ३८३.२१ अंशांच्या वाढीसह ६१,३५०.२६ पातळीवर बंद झाला. तर राष्ट्रीय शेअर बाजाराचा निर्देशांक निफ्टीमध्ये १४३ अंशांची वाढ झाली आणि तो १८,२६८.४० वर दिवसअखेर स्थिरावला. सेन्सेक्समध्ये टाटा स्टीलचा समभाग ३.९२ टक्कय़ांच्या वाढीसह आघाडीवर राहिला. त्यापाठोपाठ टायटन, नेस्ले इंडिया, बजाज फायनान्स, टेक महिंद्र, कोटक बँक आणि रिलायन्स इंडस्ट्रीजच्या समभागाने सर्वोत्तम कामगिरी केली. सेन्सेक्समध्ये सर्वच निर्देशांक सकारात्मक पातळीवर स्थिरावले. गृह निर्माण, धातू, ग्राहकोपयोगी वस्तू, वाहन निर्मिती आणि ऊ र्जा निर्देशांक ३.४० टक्कय़ांपर्यंत वधारले होते. व्यापक बाजारातील मिडकॅप आणि स्मॉलकॅप निर्देशांक प्रत्येकी २.२० टक्कय़ांपर्यंत तेजीत होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex surges 383 points nifty ends at 18268 zws

Next Story
‘कन्साइ नेरॉलॅक’ला सणांच्या हंगामात मागणीतील दुप्पट वाढ अपेक्षित
ताज्या बातम्या