‘त्या’ ठेवीदारांची नावे झळकवा!

कुणाचाही दावा नसलेल्या मात्र बँकांमध्ये काही रकमेच्या ठेवी असलेल्यांची नावे संकेतस्थळावर टाकून याबाबतची कृती दोन महिन्यात करण्याचे आदेश रिझव्र्ह

कुणाचाही दावा नसलेल्या मात्र बँकांमध्ये काही रकमेच्या ठेवी असलेल्यांची नावे संकेतस्थळावर टाकून याबाबतची कृती दोन महिन्यात करण्याचे आदेश रिझव्र्ह बँकेने अन्य वाणिज्यिक बँकांना दिले आहेत.
अनेक बँकांमध्ये काही रकमेच्या ठेवी या त्यांचे दावेदार पुढे न आल्याने तशाच पडून आहेत. अशा ठेवीदारांचे नाव, पत्ता तसेच त्यांची अन्य माहिती मिळवण्याचे आदेश वाणिज्यिक बँकांना देण्यात आले आहेत. तसेच अशा ठेवीदारांची नावे संबंधित बँकांनी त्यांच्या संकेतस्थळावर प्रसिद्ध करून त्यांच्या पाठपुराव्याची सुविधा उपलब्ध करावी, असेही रिझव्र्ह बँकेने म्हटले आहे. गेल्या १० वर्षांहून अधिक काळापासून संबंधित खात्यातील ठेवींचे व्यवहार झाले नाहीत, त्यावर विशेष भर देण्याच्या सूचना करण्यात आल्या आहेत. बँकांमधील व्यवहार न होणाऱ्या ठेवींबाबत यापूर्वीही निर्देश देण्यात आले. मात्र ठोस कार्यवाहीसाठी प्रथमच मुदत निर्धारित करण्यात आले.
संसदेत यापूर्वी दिलेल्या माहितीनुसार, डिसेंबर २०१३ अखेर बँकांमध्ये ५,१२४ कोटी रुपयांच्या ठेवींसाठी दावेदार नाही.
सीकेपी बँक र्निबध वाढ
सहकारी क्षेत्रातील सीकेपी बँकेवरील र्निबध सहा महिन्यांसाठी विस्तारित करण्यात आले. रिझव्र्ह बँकेने वर्षभरात तिसऱ्यांदा ही कारवाई केली. यापूर्वी ते एप्रिलमध्ये सहा महिन्यांसाठी, ऑक्टोबरमध्ये तीन महिन्यांसाठी वाढविण्यात आले. आता ते पुन्हा सहा महिन्यांसाठी वाढविण्यात आले आहेत. बँकेच्या र्निबधतेविषयीच्या वैधता अवधित वाढ केल्यामुळे बँकेची आर्थिक स्थिती सुधारली, असे नव्हे, असे रिझव्र्ह बँकेने स्पष्ट केले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Show the name of those depositers rbi

ताज्या बातम्या