व्होडाफोन-आयडियाकडूनही २० ते २५ टक्य़ांची दरवाढ

२८ दिवसांची वैधता असलेल्या १ जीबी डेटा योजनेसाठी ग्राहकांना २१९ रुपयांऐवजी आता २६९ रुपये मोजावे लागतील

मुंबई : भारती एअरटेलपाठोपाठ दूरसंचार क्षेत्रातील व्होडाफोन-आयडियाने दरवाढीचा कित्ता गिरवत मंगळवारी विविध कॉल आणि डेटा योजनांवरील दरात २० ते २५ टक्क्य़ांनी वाढ करीत असल्याचे मंगळवारी स्पष्ट केले. ही दरवाढ येत्या गुरुवार, २५ नोव्हेंबरपासून लागू होईल. आर्थिक विवंचनेत असलेल्या व्होडा-आयडियाने सुधारित दर योजनांची प्रसिद्धीपत्रकाद्वारे घोषणा केली. २८ दिवसांच्या कालावधीसाठी रिचार्जचे किमान मूल्य २५.३१ टक्क्य़ांनी वाढवून ७९ रुपयांवरून ९९ रुपयांपर्यंत वाढविले आहे. तसेच लोकप्रिय ‘अनलिमिटेड’ श्रेणीतील योजनांमध्ये कंपनीने २० ते २३ टक्के दरवाढीचा निर्णय घेतला आहे. २८ दिवसांची वैधता असलेल्या १ जीबी डेटा योजनेसाठी ग्राहकांना २१९ रुपयांऐवजी आता २६९ रुपये मोजावे लागतील. शिवाय, १.५ जीबी प्रति दिवस डेटा मर्यादेसह ८४ दिवसांच्या वैधतेच्या योजनेसाठी पूर्वी ५९९ रुपये आकारले जात होते. आता त्यासाठी ७१९ रुपये मोजावे लागतील. तर १.५ जीबी प्रति दिवस डेटा मर्यादेसह ३६५ दिवस वैधतेच्या योजनेचे दर २०.८ टक्क्य़ांनी वाढून २,८९९ रुपये करण्यात आले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Vodafone idea also hikes rates by 20 to 25 percent zws

Next Story
‘कन्साइ नेरॉलॅक’ला सणांच्या हंगामात मागणीतील दुप्पट वाढ अपेक्षित
ताज्या बातम्या