पीटीआय, नवी दिल्ली : गेल्या आठवडय़ात गव्हाच्या निर्यातीवर बंदी येण्यापूर्वी भारतातून मार्चमध्ये १७.७ कोटी अमेरिकी डॉलर आणि एप्रिलमध्ये ४७.३ कोटी डॉलर मूल्याच्या गव्हाची निर्यात केली गेली आहे. म्हणजेच दोन महिन्यांच्या कालावधीत सुमारे ५,०७० कोटी रुपयांच्या गव्हाची निर्यात करण्यात आली आहे.

या बातमीसह सर्व प्रीमियम कंटेंट वाचण्यासाठी साइन-इन करा

रशिया-युक्रेन संघर्षांच्या पार्श्वभूमीवर जगभरात अन्नटंचाईची स्थिती आहे. जागतिक पातळीवर युक्रेन, बेलारूस, तुर्कस्तान, इजिप्त, कझाकस्तान आणि कुवेतसह आठ राष्ट्रांनी गव्हाच्या निर्यातीवर निर्बंध लादले असताना भारताने मात्र मार्च, एप्रिल या काळात गव्हाची निर्यात केली. गव्हाची टंचाई निर्माण झाली असताना शेतकऱ्यांना होऊ शकणारा लाभ पाहाता हा निर्यातीचा निर्णय घेतला गेला. मात्र देशात उष्णतेच्या तीव्र लाटेमुळे गव्हाच्या प्रति एकरी उत्पादनावर प्रतिकूल परिणामाने गव्हाचे उत्पादन घटण्याची शक्यता पाहाता या निर्णयाचा फेरविचार करण्यात आला.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Wheat exports worth rs 5070 crore two months india usd ysh
First published on: 21-05-2022 at 00:02 IST