11 August 2020

News Flash

‘हाय बीटा’, पण..!

जे के टायर्स ही जे के समूहाची टायर्सचे उत्पादन करणारी एक अग्रगण्य कंपनी असून जगातील पहिल्या २५ कंपन्यांत तिचा क्रमांक लागतो.

| August 24, 2015 07:52 am

portfolio4जे के टायर्स ही जे के समूहाची टायर्सचे उत्पादन करणारी एक अग्रगण्य कंपनी असून जगातील पहिल्या २५ कंपन्यांत तिचा क्रमांक लागतो. भारतात सहा आणि मेक्सिको येथे तीन उत्पादन केंद्रे असलेल्या जे के टायर्सने जगभरातील ३०० देशांत प्रवेश केलेला आहे. १९७७ मध्ये सुरुवात केल्यापासून गेल्या ३७ वर्षांत कंपनीची नऊ कारखान्यांतील एकूण वार्षकि उत्पादन क्षमता दोन कोटी टायर्सची असून, बस आणि ट्रकच्या टायर्स उत्पादनात ती अग्रेसर गणली जाते. भारतामध्ये सध्या १४३ ठिकाणांहून ४,००० डिलर्स आणि १२० रिटेल आऊटलेट असलेल्या या कंपनीची प्रमुख राष्ट्रीय महामार्गावर वर्षभर २४ तास चालू असलेली १७ ट्रक रेडियल टायर सेंटर्स देखील आहेत. जे के टायर्स ही भारतातील जवळपास सर्वच मोठय़ा वाहन उत्पादकांना आपल्या टायर्सचा पुरवठा करते. यात प्रामुख्याने टाटा मोटर्स, अशोक लेलँड, व्होल्वो, मिहद्र, बीईएमएल, जनरल मोटर्स, मारुती इ. चा समावेश करावा लागेल.
av-01
कंपनीने जून २०१५ साठी संपणाऱ्या पहिल्या तिमाहीचे निकाल अपेक्षेप्रमाणेच जाहीर केले आहेत. कंपनीने १,९५२ कोटी रुपयांच्या उलाढालीवर ११८ कोटी रूपयांचा नक्त नफा कमावला आहे. गेल्या वर्षीच्या तिमाहीच्या तुलनेत तो ११३% ने जास्त आहे. कंपनीचे पत मापांकन देखील ‘ए+’ वरून ‘एए-’ वर गेले आहे. कंपनीने बाजारात एसयूव्हीसाठी नुकतेच आणलेले रेंजर नावाचे टायर्स उलाढाल आणि नफ्यात वाढ करतील. कंपनीचा विस्तारीकरण प्रकल्प देखील फायदेशीत ठरेल अशी आशा आहे. सध्या ११०-१२० रुपयांच्या आसपास असलेला हा हाय बीटा (१.४) शेअर मध्यम ते दीर्घकालीन गुंतवणुकीसाठी योग्य वाटतो.
stocksandwealth@gmail.com

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 24, 2015 7:52 am

Web Title: j k tyres and industries ltd shares
Next Stories
1 कोटक सिलेक्ट फोकस फंड
2 लग्नबेडी पडण्यापूर्वी..
3 रोज रोज कसरत तारेवरची
Just Now!
X