* रिझव्‍‌र्ह बँकेने डिसेंबर २०१३ मधील पतधोरण आढाव्यात थांबा आणि वाट पाहा धोरण अवलंबिले आणि भविष्यात वाटल्यास रेपो दर दरवाढीचा पर्याय खुला ठेवला. तुमची प्रतिक्रिया काय आहे?- महागाईचा दर चढा असताना रिझव्‍‌र्ह बँकेने दर जरी स्थिर ठेवले तरी पुढील पतधोरणात किंवा त्याआधी योग्य वेळी योग्य ती पावले उचलण्याचा मनोदय व्यक्त केला आहे. महागाईचा दर जरी चढा असला तरी या दरवाढीस मुख्यत्वे अन्नधान्याच्या किमतीतील वाढ कारण ठरली. किमतीत चढ किंवा उतार हा कायमचा नसतो. ही वाढ एखादा सुळका असू शकेल व लवकरच महागाईचा दर कमी होईल, असा आशादायक सूर रिझव्‍‌र्ह बँकेने लावला ते योग्यच झाले. नोव्हेंबरचा औद्योगिक उत्पादन निर्देशांक व डिसेंबरचा महागाईचा निर्देशांक) पुढील आठवडय़ात जाहीर झाल्यानंतर त्यावर रिझव्‍‌र्ह बँक योग्य ती पावले उचलेल. कदाचित रेपो दर वाढवेलसुद्धा. हे सगळे या महिन्यातील आकडय़ांवर अवलंबून आहे. * तुम्ही नुकताच ‘पाइनब्रिज इंडिया यूएस इक्विटी फंडा’चा एक पर्याय भारतीय गुंतवणूकदारांना उपलब्ध करून दिला. हा फंड सुरू करताना तुमची भूमिका काय होती? आणि हे करत असताना तुमच्यासमोर गुंतवणूकदारांचा कुठला समूह होता? - ‘पाइनब्रिज इंडिया यूएस इक्विटी फंड’ ही गुंतवणुकीसाठी कायम खुली असणारी योजना आहे. ही योजना ‘पाइनब्रिज यूएस लार्ज कॅप रिसर्च एन्हान्सड फंड’ या फंडाच्या युनिटमध्ये गुंतवणूक करते. हा फंड ऑगस्ट २००५ पासून अस्तित्वात आहे. म्हणजे एका अर्थाने या फंडाला आठ वर्षांची पाश्र्वभूमी आहे. भारतीय गुंतवणूकदारांना भारतीय कंपन्यांव्यतिरिक्त खऱ्या अर्थाने जागतिक आकाराच्या कंपन्यांमध्ये गुंतवणूक करण्याची संधी उपलब्ध व्हावी. दुसरा उद्देश असा होता की, ही योजना सुरू करण्यापूर्वी अनेक पातळींवर संशोधन केले. हे संशोधन बहुतांशी सांख्यिकी प्रकारचे होते. या संशोधन पद्धती जागतिक पातळीवर वापरल्या जातात व या पद्धतीनी आपली उपयुक्तता वेळोवेळी सिद्ध केली आहे. भारतीय शेअर बाजाराचे निर्देशांक व जागतिक बाजाराचे निर्देशांक यांच्यात असलेले सांख्यिकीय संबंध असे दर्शवितात की, या निर्देशांकांची दिशा एकाच दिशेला नसते. तेव्हा भारतातील लार्ज कॅप फंड व अमेरिकेत गुंतवणूक करणारे लार्ज कॅप फंड या दोन्हींचा समावेश आपल्या गुंतवणुकीमध्ये केल्यास आपल्याला गुंतवणुकीवरचा नफ्याचा दर वाढविता येऊ शकतो. दुसरा मुद्दा चलन अवमूल्यनाचा. भारताला प्रामुखाने इंधनादी तेल आयातीवर परकीय चलन खर्च करावे लागते. विनिमयाचा दर प्रामुख्याने मागणी व पुरवठा यावर अवलंबून असतो. सध्या भारताचा परकीय चलनातील खर्च अधिक असल्याने साहजिकच रुपयाची घसरण होते. त्यामुळे चलन अवमूल्यनाचा धोका तुमच्या गुंतवणुकीला असतो. पाइनब्रिज इंडिया यूएस इक्विटी फंड हा मर्यादित ‘ट्रॅकिंग एरर फंड’ असल्यामुळे हा धोका आपोआपच कमी होतो. या योजनेच्या परताव्यात नुसते सातत्यच नाही, तर फंडाचा शुल्कपूर्व परतावादेखील निर्देशांकापेक्षा अव्वल आहे. सर्वात महत्त्वाचा मुद्दा म्हणजे केवळ ५,००० रुपये गुंतवणूक करून इतके फायदे मिळविता येतात. गुंतवणूकदार अथवा सामान्य नागरिक जे चलन अवमूल्यनाने बाधित होणार आहेत ते सर्व आमच्या डोळ्यांपुढे आमचे भावी गुंतवणूकदार म्हणून होते. *अशा परिस्थितीत तुमचा गुंतवणूकदारांना काय सल्ला आहे?- तुम्ही आपल्या पाल्याला उच्च शिक्षणासाठी अमेरिकेत पाठविणार असाल, एखादी सुट्टी अमेरिकेत व्यतीत करण्याचा मानस असेल अथवा भविष्यात एखादा मोठा खर्च डॉलरमध्ये करण्याची तुमची योजना असेल, तर तुम्हाला रुपयाच्या घसरणीची झळ पोहोचणारच. त्याची तीव्रता काही प्रमाणात कमी करण्याची तुमची इच्छा असेल, तर जे फंड परकीय चलनात व मुख्यत्वे डॉलरमधील मालमत्तेत गुंतवणूक करतात असे फंड निवडा. फॉच्र्युन ५०० कंपन्यांच्या यादीतील संख्येने मोठा वाटा मूळच्या अमेरिकेतील कंपन्यांचा आहे. भौगोलिकदृष्टय़ा अमेरिका हा संधींचा प्रदेश म्हणून ओळखला जातो. तेव्हा गुंतवणुकीतील संधींचा लाभ घेण्यासाठी आपल्या पोर्टफोलियोमध्ये असे फंड असायलाच हवे. जेणेकरून स्थानिक चलनाच्या अवमूल्यनाच्या झळीची तीव्रता कमी करता येईल.गुंतवणूक कशी व कुठे? या फंडात गुंतवणूक करण्यासाठी ळफवरळ असे लिहून ५६७६७ या क्रमांकावर एसएमएस केल्यास कंपनीचा विक्री प्रतिनिधी आपल्याशी संपर्क साधेल.
