मेष:- जोडीदाराच्या मताला प्राधान्य द्याल. प्रेमसौख्याला बहर येईल. एकमेकांतील ओढ वाढेल. भागादारीतून चांगला फायदा संभवतो. जोडीदाराची प्राप्ती वाढेल. वृषभ:- कामाला उत्तम गतिमानता येईल. कामाच्या ठिकाणी तुमचा नावलौकिक होईल. सहकाऱ्यांची उत्तम साथ मिळेल. जवळची माणसे भेटतील. आरोग्यात सुधारणा होईल. मिथुन:- मैत्रीतील आपुलकी वाढेल. घेतलेल्या कष्टाचे फळ मिळेल. करमणूक प्रधान गोष्टींकडे कल राहील. हातचलाखी दाखवाल. कलेचे कौतुक केले जाईल. कर्क:- घरात तुमचा दरारा असेल. स्वच्छतेवर अधिक लक्ष द्याल. घरात खेळीमेळीचे वातावरण राहील. हातापायांची काळजी घ्यावी. अधिकाराचा योग्यवेळी वापर करावा. सिंह:- फसवणुकीपासून सावध राहावे. कोणाचाही रोष ओढवून घेवू नका. सर्व गोष्टी मनाप्रमाणे घडतीलच असे नाही. हस्तकलेची चुणूक दाखवाल. जवळचा प्रवास मजेत होईल. कन्या:- अडचणीतून मार्ग काढाल. निराश होण्याचे कारण नाही. भाजणे, कापणे यांसारखे त्रास जाणवतील. तिखट, तामसी पदार्थ खाणे टाळावे. वादात अडकू नका. तूळ:- प्रेमसौख्याचा दिवस राहील. व्यावसायिकांना चांगला लाभ होईल. व्यापारीवर्ग नवीन योजना आखतील. काही किरकोळ अडचणी संभवतात. चैनीच्या वस्तू खरेदी कराल. वृश्चिक:- काही प्रसंग क्षणिक आनंद देतील. मानसिक सौख्य लाभेल. कोणत्याही गुंत्यात अडकू नका. आर्थिक व्यवहार सावधगिरीने करावेत. काही गोष्टींचा स्वत:पुरता विचार कराल. धनु:- अधिकारी व्यक्तींची मदत मिळेल. उत्तम स्त्रीसौख्य लाभेल. दिवस मानाजोगा व्यतीत कराल. तुमच्या सर्व मनोकामना पूर्ण होतील. ऐषारामाच्या वस्तू खरेदी कराल. मकर:- काही अडचणी आल्या तरी त्यावर मात करता येईल. चांगला आर्थिक फायदा होईल. हातातील कामात यश येईल. चांगली संगत लाभेल. मोठ्या लोकांच्यात वावराल. कुंभ:- मनातील अनामिक भीती दूर करावी. कामाच्या ठिकाणी आपली पत सांभाळावी. वडिलधाऱ्या व्यक्तींचा मान ठेवावा. कामात चिकाटी ठेवावी. मागे हटू नये. मीन:- जमिनीच्या कामात लक्ष घालाल. अचानक धनलाभ संभवतो. कामाचा योग्य मोबदला मिळेल. आरोग्याची काळजी घ्यावी. उगाचच होणारी चिडचिड टाळावी. – ज्योतिषी विद्याधर करंदीकर
