मेष:- भागिदारीतून चांगला फायदा होईल. स्त्रियांशी मैत्री वाढेल. चांगले वाहन सौख्य लाभेल. ओळखीचा चांगला लाभ होईल. आनंदी दृष्टिकोन ठेवाल. वृषभ:- उगाच चिडचिड होईल. क्षुल्लक गोष्टी नजरेआड कराव्यात. आत्मविश्वासाने कामे करावीत. कफाचा त्रास जाणवेल. ठामपणा ठेवावा लागेल. मिथुन:- कलेचा मनापासून आनंद घ्याल. जवळच्या सहलीचे आयोजन कराल. जोडीदाराची प्रगल्भता लक्षात येईल. मुलांशी सुसंवाद साधावा. मनातील अकारण आलेली भीती काढून टाकावी. कर्क:- सहकुटुंब सहलीचे आयोजन कराल. घरातील वातावरण प्रसन्न राहील. कामाला अपेक्षित गती येईल. मुले खेळात प्राविण्य मिळवतील. तुमची धिटाई वाढेल. सिंह:- जवळचा प्रवास मजेत करता येईल. जमिनीच्या व्यवहारात लाभ संभवतो. मुलांची प्रगती दिसून येईल. घरातील किरकोळ कुरबुरी दूर कराव्यात. हस्तकलेचे कौतुक केले जाईल. कन्या:- कौटुंबिक सौख्य उत्तम राहील. अंगीभूत कला जोपासता येईल. कामातील उत्साह वाढेल. अधिक उर्जेने कामाला लागाल. तुमचा मान वाढेल. तूळ:- आवडत्या कामात मन रमवाल. दिवस स्वछंदतेत जाईल. खर्च वाढू शकतो. ऐषारामाच्या कल्पनेत रमून जाल. व्यावसायिक लाभ उत्तम राहील. वृश्चिक:- अडचणीतून मार्ग काढता येईल. स्वत:च्या मतावर ठाम राहाल. घरात मंगल कार्य घडेल. हातातील अधिकार वापरता येतील. मित्र मंडळ जमवाल. धनू:- शांततेने मार्ग काढाल. कौटुंबिक खर्च वाढेल. परिस्थिती योग्य प्रकारे हाताळाल. त्रासातून मार्ग निघेल. जबाबदारीची जाणीव ठेवा. मकर:- कामाचा व्याप वाढू शकतो. काही वेळ स्वत:साठी द्यावा. कामाचा उरक वाढवाल. जोडीदाराचे उत्तम सहकार्य मिळेल. रेंगाळलेली घरगुती कामे पूर्ण होतील. कुंभ:- कलाकुसरीकडे ओढ वाढेल. कौटुंबिक सौख्यात भर पडेल. मानापमान मनावर घेऊ नका. योग्य वेळेची वाट पहावी. सामाजिक कार्यात हातभार लावाल. मीन:- रेस सट्टा यांतून फायदा संभवतो. कामाचे योग्य मूल्यमापन करावे. थोरांचे सहकार्य लाभेल. मोठ्या लोकांत उठ-बस वाढेल. वरिष्ठांना खूष करावे. – ज्योतिषी विद्याधर करंदीकर