मेष:- गोडीगुलाबीने कामे कराल. हस्तकलेला वेळ काढावा. आवाजात मार्दवता ठेवावी. वक्तृत्व गुण दाखवण्याची संधी मिळेल. काहीसा विसरभोळेपणा जाणवेल. वृषभ:- मनाची द्विधावस्था टाळण्याचा प्रयत्न करावा. भावंडांची काही कामे अंगावर पडतील. तुमच्यातील कलागुण दिसून येतील. वाणीत मधुरता ठेवाल. आवडीचे पदार्थ खायला मिळतील. मिथुन:- कामात चालढकल करू नका. भारंभार कामे वाढवून ठेवू नका. जोडीदाराचा समजूतदारपणा दिसून येईल. प्रगल्भपणे विचार करावा. कलागुण सादर करण्याची संधी मिळेल. कर्क:- भावनेला आवर घालावी. ध्यानधारणा करण्यावर लक्ष केंद्रित करावे. चुकीचे विचार मनातून काढून टाकावेत. चांगले वाहन सौख्य लाभेल. घराबाहेर वावरतांना काळजी घ्यावी. सिंह:- शाब्दिक चकमक टाळावी. फार तिखट, तामसी पदार्थ खावू नयेत. इतरांच्या मदतीला धावून जाल. गायन कलेला चांगला वाव मिळेल. घरात सांस्कृतिक कार्यक्रम होतील. कन्या:- पित्त विकाराचा त्रास जाणवेल. चटकन मत प्रदर्शित करू नका. हट्टीपणा करून चालणार नाही. क्षुल्लक गोष्टी फार ताणू नका. कौटुंबिक जबाबदारी घ्यावी लागेल. तूळ:- कामाच्या व्याप वाढेल. आर्थिक लाभ चांगला संभवतो. जनविरोधाला सामोरे जावू नका. चुकीचे समाज त्रासदायक ठरू शकतात. फार काळजी करत बसू नका. वृश्चिक:- चोरांपासून सावध राहावे. सर्व गोष्टीत गुप्तता पाळाल. काही चांगल्या संधी चालून येतील. त्यागाचे महत्त्व जाणून घ्यावे. जवळच्या नातेवाईकांची चौकशी करावी. धनु:- घेतलेल्या श्रमाचे चीज होईल. चांगला व्यावसायिक लाभ होईल. मनातील इच्छा पूर्ण होतील. घरासाठी सुशोभिकरणाच्या वस्तू खरेदी कराल. महिला मौल्यवान वस्तू खरेदी करतील. मकर:- वडिलांचे योग्य मार्गदर्शन मिळेल. कामातील स्थैर्य जपण्याचा प्रयत्न करावा. संपर्क क्षेत्रातील व्यक्तींना चांगला फायदा संभवतो. अंगच्या कलागुणांना वाव द्यावा. कमिशन मध्ये चांगला फायदा होईल. कुंभ:- पैजेवर पैसे लावताना सतर्क राहावे. चुकीच्या संगतीत अडकून पडू नका. आपण घेत असलेली मेहनत योग्यदिशेने आहे का ते तपासावे. करमणुकीचे कार्यक्रम पहाल. दिवस चैनीत घालवाल. मीन:- कौटुंबिक गैरसमजाला मनात थारा देवू नका. घरातील शांतता जपण्याचा प्रयत्न करावा. विचार भरकटू देवू नका. मित्रांशी मतभेद वाढवू नका. जोडीदाराची बाजू जाणून घ्यावी. – ज्योतिषी विद्याधर करंदीकर