16 October 2019

News Flash

आजचे राशीभविष्य, रविवार, २२ सप्टेंबर २०१९

सर्व बारा राशींचे भविष्य

  • मेष:-
    मानसिक व्यग्रता जाणवेल. काही कामांमध्ये अडकून पडाल. गरज नसेल तर प्रवास टाळावा. आधी महत्त्वाची कामे पूर्ण करावीत. भावंडांना सहकार्य करावे.
  • वृषभ:-
    घरगुती जबाबदा-या समर्थपणे पेलाल. क्षुल्लक कारणांवरून चिडू नका. वेळेचे योग्य नियोजन करावे. वैचारिकता बदलून पहावी. जोडीदाराच्या शांत स्वभावाचे कौतूक कराल.
  • मिथुन:-
    चाल-ढकल करण्यात वेळ वाया घालवू नका. एका वेळी अनेक कामे अंगावर घेऊ नका. हसून वेळ मारून न्याल. नसते धाडस करू नये. खर्च वाढू शकतो.
  • कर्क:-
    भावनेच्या आहारी जाणे टाळावे. चुकीच्या कल्पनांना खत-पाणी घालू नका. बोलतांना सारासार विचार करावा. कौटुंबिक गोष्टी सामोपचाराने सोडवाल. अंगीभूत कलांचे कौतुक केले जाईल.
  • सिंह:-
    परिस्थितीशी जुळवून घ्यावे. प्रतिकुलतेतून मार्ग काढाल. कामातील अडचण संयमाने दूर करावी. किरकोळ दुखापतीकडे लक्ष द्यावे. दृढ निश्चय कराल.
  • कन्या:-
    उत्तम वैवाहिक सौख्य लाभेल. बढतीचे योग आहेत. गायन कलेचे कौतुक केले जाईल. गोड बोलून वेळ मारून न्याल. कामाचा थकवा जाणवेल.
  • तूळ:-
    चार माणसात वावरतांना आपली प्रतिष्ठा जपावी. व्यावसायिक वृद्धीच्या दृष्टीने पावूल उचलाल. घरासाठी मोठ्या वस्तूंची खरेदी कराल. स्वकष्टावर अधिक भर द्याल. नवीन कापडे खरेदी कराल.
  • वृश्चिक:-
    काम करण्याची पद्धत बदलून पहावी. वडिलांची नाराजी दूर करावी. कामात सुसंगतता ठेवावी. काही गोष्टींसाठी संघर्ष करावा लागेल. तुमच्यातील धडपड दिसून येईल.
  • धनु:-
    वरिष्ठांना नाराज करून चालणार नाही. उपासनेवर अधिक लक्ष द्यावे. थोर व्यक्तींचा सल्ला घ्यावा. इतरांच्या वागण्याचा विचार करत बसू नका. गुरुजानांवरील श्रद्धा वाढेल,
  • मकर:-
    पाठीचे विकार त्रासदायक ठरू शकतात. उगाचच नसते विचार करत वेळ वाया घालवू नका. अडथळ्यातून मार्ग शोधावा. वारसाहक्काच्या कामात खंड पडू शकतो. चुकीचा मार्ग पकडू नका.
  • कुंभ:-
    जोडीदाराविषयी मतभेदाला मनात थारा देवू नका. अचानक धनलाभाची शक्यता. जुगारापासून दूर राहावे. पित्ताचे त्रास संभवतात. वरिष्ठांशी मतभेद होवू शकतात.
  • मीन:-
    जोडीदाराची प्राप्ती वाढू शकते. वैवाहिक सौख्यात भर पडेल. बाहेरील अन्नपदार्थ टाळावेत. मनातून निराशा बाजूला सारावी. अपचनाचा त्रास संभवतो.

    – ज्योतिषी विद्याधर करंदीकर

First Published on September 22, 2019 1:00 am

Web Title: daily horoscope astrology in marathi sunday 22 september 2019 aau 85