मेष:- उत्साहाच्या भरात चुकीचा निर्णय घेवू नका. रागावर नियंत्रण ठेवा. दिवस तुमच्या मनाजोगा व्यतीत कराल. मुलांच्या धडपडीकडे लक्ष ठेवा. वृषभ:- मानसिक चंचलता जाणवेल. कलेला अधिक प्राधान्य द्याल. मुलांच्या आरोग्याची काळजी घ्यावी. अकारण वाटणारी भीती दूर करा. विसर-भोळेपणाचा त्रास जाणवू शकतो. मिथुन:- घरातील गोष्टींमध्ये अधिक लक्ष घाला. मनातील इच्छा पूर्ण होतील. उत्तम वाहन सौख्य लाभेल. संभाषणाची आवड जोपासाल. घरात नातेवाईकांचा गोतावळा जमेल. कर्क:- चौकसपणे सर्व गोष्टी जाणून घ्याल. चुकीचा तर्क करू नका. काही गोष्टींचे चिंतन करावे. भावंडांची मदत घ्यावी. लहान व्यवसायिकांना फायदा संभवतो. सिंह:- न डगमगता मत मांडा. आर्थिक स्थैर्याचा दुसरा मार्ग शोधावा. व्यवहारी दृष्टीकोन ठेवाल. हसत खेळत कामे कराल. मिळणाऱ्या कमिशनकडे लक्ष द्यावे. कन्या:- अभ्यासू दृष्टीकोन ठेवाल. तुमचा अंदाज योग्य ठरेल. धूर्तपणे वागाल. आपले विचार योग्य रीतीने मांडाल. कोणतीही गोष्ट लवकर समजून घ्याल. तूळ:- खोटे बोलणे टाळावे. रहस्यमय गोष्टी जाणून घ्याल. प्रवासाची आवड जोपासाल. बनवा-बनवी करू नका. सामाजिक बांधिलकी ठेवावी. वृश्चिक:- ओळखीचा फायदा होईल. गप्पांमधून आपले काम साध्य कराल. अधिकारी व्यक्तींचे मत विचारात घ्यावे. तरुणांशी मैत्री कराल. कामात स्त्री वर्गाचे सहाय्य घ्याल. धनु:- तुमच्यातील हर-हुन्नरीपणा दाखवून द्यावा. व्यावसायिक ज्ञान वाढवाल. लिखाणाला प्रसिद्धी मिळेल. पत्रकारांना काही अधिकार हातात येतील. व्यवसायात उत्कृष्ट नफा होईल. मकर:- चांगले साहित्य वाचाल. कामाचे सखोल ज्ञान मिळवाल. मधुर वाणीने सर्वाना प्रभावित कराल. शिस्तीचा बडगा करू नका. प्रवासाची आवड जोपासाल. कुंभ:- भावंडांच्या आरोग्याची काळजी घ्यावी. मनात नसतांना सुद्धा प्रवास करावा लागेल. कामात आळस करू नका. पत्नीच्या विचाराला प्राधान्य द्यावे. चिकाटी सोडून चालणार नाही. मीन:- जोडीदाराची व्यवहार कुशलता लक्षात येईल. वैवाहिक सौख्यात भर पडेल. मनाजोगी खरेदी करता येईल. तुमच्यावर जोडीदाराच्या मताचा प्रभाव राहील. काही कामे दिरंगाईने होतील. – ज्योतिषी विद्याधर करंदीकर